Счастливые поют

Күшік күйеу

«Күшік  күйеу» (комедия)

  Рөлдер  мен  орындаушылар:

Гүлжамал - Гүлжамал Қазақбаева – ҚР-ның еңбек сіңірген артисі,  Мемлекеттік  сыйлықтың  лауреаты,
арт. Шолпан  Сіргебаева -  Қазақстанның еңбек сіңірген қайраткері
Биғайша - Лидия  Кәден – ҚР-ның  еңбек  сіңірген  артисі,арт. Әсел  Мәмбетова – Қазақстанның еңбек сіңірген қайраткері, Дарын Мемлекеттік  сыйлығының лауреаты                             Бекболат - арт. Бақыт  Тушаев                                             
Қабанбай - арт. Еділ  Рамазанов, Бейбіт Камаранов
Тюрянчик - арт. Ербол  Садырбаев, арт. Әсет  Иманғалиев – Қазақстан Жастар Одағы сыйлығының лауреаты                                                
Кубик - арт. Мұхитдин  Шынтаев – Қазақстан Жастар Одағы сыйлығының иегері, «Дарын» Мемлекеттік сыйлығының лауреаты
арт. Данияр Базарқұлов
Ботка - арт. Жанар  Мақашева –  Қазақстан  Жастар  Одағы сыйлығының  лауреаты 
Алма - арт. Ақмарал  Дайрабаева, арт. Сәния  Ерзатқызы

Қойылым  авторы - Тахауи  Ахтанов
Спектакльдің қоюшы-режиссері - Қазақстанның еңбек сіңірген  қайраткері, Тәуелсіз «Тарлан» сыйлығының лауреаты, Республикалық театр фестивальдерінің бірнеше мәрте Гран-При – Бас жүлде иегері, қазіргі  қазақ  театр  режиссерлерінің  алдыңғы  қатарлы айтулы  өкілі – Жанат  Хаджиев. 
Қоюшы-суретшісі - Қазақстан Суретшілер Одағының мүшесі – Қабыл Халықов
Композиторы - Халық  Қаһарманы – Нұрғиса Тілендиев 
Балетмейстері - Ерболат  Асылғазинов
 

«Күшік күйеу» комедиясы, бұл – жастар  тақырыбын,  ана  мен  баланың  арасындағы  қарым-қатынасты  сондай-ақ, бой түзеп  қалған қызы бар  кез-келген  ата-ананың  баласының  алдағы  бағын  ойлап,  қам  жеуі  секілді  өмірлік  мәселелерді  қамтитын  сахналық  туынды. Спектакльдің  тақырыбы, айтар  ойы – қоғамның  қай  кезеңінде  болса  да  ескірмейтіндігімен  құнды.

Атап айтқанда, қойылымда ауыл мен қала жастарының  қалыптасу  келбеті,  таным-түсінігі  мен  тәрбиесі,  ұстаным-пайымы  секілді көптеген  өзекті  мәселелер  көрініс табады. Ондай  қоғам  өміріндегі  өзекті  түйткілдер  спектакль  барысында  кейіпкерлер бейнесі арқылы, тіл, ән – домбыра  мен  гитараның  «айтысы»,  би, т. б.  сахналарының  өне-бойында  әсем  көрініс  тауып,  әдемі  өріліп  отырады.

Бұл  пьеса – алғаш,  Жастар  театрының сахнасында 80-ші  жылдардың басында қойылған... Араға  көп  жылдар салып театрымызда 2007 жылдың  11 сәуірінде  қайта сахналанды.