Күй

Назарларыңызға ұсынылған қойылым инсценировкасы Ә.Кекілбаевтың «Аңыздың ақыры» романының желісі мен «Күй» повесінің негізіне сүйене отырып жасалған. Ұлы мәртебелі  өнердің  адам санасын оята алатын құдіреті, оның көзқарасын өзгерте алатын күш-қуаты ашылады. Оқиға ықылым замандардан көршілес екі ел арасындағы өзара өшпенділік, дау мен кекшілікті баяндайтын аңыз аясында өрбиді. Жауласқан екі елдің билеушілері Жөнейіт пен Дүйімқара батырлардың зорлық-зомбылығы дәуірлеген заманда қатігездіктің қара тасын жарып шыққан өнер гүлдерінің сұлулығы мен сыршылдығы, нәзіктігі мен өміршеңдігі, мейірімділігі мен қайсарлығы жан-жүректі еріксіз баурап, адамгершілікті әлемге жол нұсқайды...