Шие (ГАКМДТ)

Өтетін орны: Қалибек Қуанышбаев атындағы мемлекеттік академиялық қазақ музыкалық драма театры (Қалибек Қуанышбаев көшесі 8/1)

Автор: Антон Чехов

Аударған: А.Кемелбаева

Режиссер: Сергей Потапов

Қоюшы суретші: Берік Бурбаев

Киім үлгісінің суретшісі: Ханум Айдаш

Актерлік құрам: Ақмарал Танабаева, Инабат Әбенова, Айшолпан Жаңабергенова, Қуандық Қыстықбай, Нұркен Өтеуіл, Дастан Әлімов, Айман Аймағамбет, Сырым Қашқабаев, Алтынгүл Серкебаева, Кеңесбай Нұрланов, Шах-Мұрат Ордабаев

Жанр: комедия

Премьерасы өткен күн: 18-19 сәуір 2016 ж

Ұзақтығы: 1 сағат 40 мин

Жас ерекшелігі: 16+

 

Ғасырлар түйіскенде адам баласының басына түсетін құса-шерді, рухани бағдардың жоқтығын сезінуден туар ауыртпалықты, өлара шақта кейіпкерлерді торитын жалғыздық кеселін Чехов пьесасында ішкі иірімдермен берген. Режиссер Сергей Потапов модернистік баянмен өмірде мақсатсыз, қорғанышсыз, дәрменсіз сенделген жандардың тұрмыс-тіршілігін сырты күлкі болғанымен түбінде тұнған  көз жасы арқылы беруге ұмтылған. Чеховтың суреткерлік ұлылығы, адамсүйгіштігі оның қаһармандарының уақыт пен кеңістіктен тыс жасай беретін шынайылығында.

Қосымша: «ШИЕ» комедиясы Қазақстан драма театрларының XXIV республикалық  фестивалінде    «Үздік спектакль» номинациясына ие болды (2016 ж).  

Челябі қаласында өткен «CHELoBEK ТЕАТРА»  V Халықаралық театр
фестивалі аясында көрсетіліп, халықаралық театр сыншыларының жағары бағасын алды.
Татарстан Республикасының Қазан қаласында өткен Түркі халықтарының XIII «НАУРЫЗ» Халықаралық театр фестиваліне қатысып, халықаралық сарапшылардың жоғары бағасына ие болды.