САЙРА БҰЛБҰЛ

16 қараша күні сағат 17:00-де Астана қаласы әкімдігінің Еркеғали Рахмадиев атындағы Мемлекеттік академиялық филармониясының Камералық залында Халық әні бөлімінің ұйымдастыруымен «Сайра бұлбұл» атты концерті өтеді.

Концерттің ерекшелігі халқымыздың ән-күйлерін жаңғыртып, көрерменге қазақ өнерінің асыл қазынасымен қауышу мүмкіндігін сыйлауы. Концерт барысында халық әндері мен күйлері, сондай-ақ халық композиторларының шығармалары орындалады. Шығармашылық топтың ерекше ықыласпен дайындаған бұл бағдарламасы ұлттық музыкалық мұраны дәріптейді.

Кешті Мәдениет саласының үздігі Берік Омаров жүргізеді. Концертке «Қорқыт» этно ансамблі, Халық әні бөлімінің үздік өнерпаздары Мәдениет саласының үздіктері Данияр Мұқан мен Айгерім Нартүйе, халықаралық байқаулардың лауреаттары Зинат Қасымова, Жақсыкелді Маясаров, Рахат Бегсилов, Нұржан Мейірхан және Сәулежан Тағзия.

Бағдарламаға Құрманғазы, Дина, Естай, Мұхит сияқты халық композиторларының шығармалары мен Абай, Әсеттің лирикалық әндері енген. Концерт ұлттық өнерге ерекше мән беріп, тыңдарманның жүрегіне жетер әуендерді ұсынады.

Барша өнерсүйер қауымды ұмытылмас әсем кештің куәсі болуға шақырамыз!