Қорғансыздың күні

Қыз тағдырына – Ұлт тағдыры деп қараған қазақ қашан да қыздарын қызғыштай қорыған. Алайда зорлық-зомбылық күрт көбейіп елдің күйреуіне апаратын бағыт алып отыр. Тағдыры талқыға түскен, болашағы бұлыңғыр, алда да талай қаңқу сөзді есітіп, талай мұңға бататын періштедей жасқа қол ұшын беретін жанның жоқтығы да сай-сүйегіңді сырқырататыны хақ. Қатігез қоғамның казіргі ең ауыр қасіреті де осы.

Қарапайым адамның ішкі жан сырын терең ұғындырып, бір адамның жүрек лүпілі арқылы күллі жұрттың парасат, зердесін таныта алатын «Қорғансыздың күні» қойылымы – көрерменге қазіргі  заманының шынайы көрінісін, ащы шындығын, тұтас бір қорғансыздар әлемінің мұң-зарын көрсетеді.