Хор музыкасының концерті «Үндестіктер үйлесімі»

2022 / 2023                  Күләш Байсейітова атындағы Камералық зал                 Х маусым

17 наурыз * жұма * 19.00

 

Хор музыкасының концерті

«Үндестіктер үйлесімі»

 

Гамбург ұлттық жастар музыкалық мектебінің қыздар хоры (Германия) мен Е.Рахмадиев атындағы мемлекеттік академиялық филармонияның камералық хоры Күләш Байсейітова атындағы Камералық зал сахнасында хор музыкасының мерекесін ұсынады.

«Үндестіктер үйлесімі» концертінде қос ұжым батыс еуропалық композиторлар мен қазақстандық авторлардың хор туындыларынан тұратын бағдарламаны орындайды.

2004 жылы негізі қаланған Е.Рахмадиев атындағы мемлекеттік академиялық филармонияның камералық хоры елімізде де, шетелде де танымал, ал Гамбург қыздар хорының өнер көрсетуі – ұжымның Орталық Азия елдеріне гастролі аясында қазақстандық көрермендермен алғашқы кездесуі.

Гамбург қыздар хорын Геза Верхан мен Кристоф Пиллат 2003 жылы құрған. Оның құрамында әр түрлі жастағы 200 вокалист бар (ең кішісі небары төрт жаста). Сан алуан репертуары неміс музыкасын, сондай-ақ өзге елдердің хорға арналған шығармаларын қамтиды, ал ұжымның басты мақсаты – музыкалық сүйемелдеусіз (а капелла) көп дауыста ән айтуды дамыту және насихаттау.

Гамбург қыздар хоры – Германиядағы ең танымал хорлардың бірі. Ол соңғы үш неміс хор байқауларының финалисі әрі жеңімпазы (2010, 2014, 2018) атанған және кезекті рет 2023 жылы финалға қатысатын болады. 

 

ОРЫНДАУШЫЛАР:

Гамбург ұлттық жастар музыка мектебінің қыздар хоры (Германия)

Хор жетекшісі – Кристоф Пиллат

Дирижер – Геза Верхан

 

Е.Рахмадиев атындағы мемлекеттік академиялық филармонияның камералық хоры

Көркемдік жетекшісі және бас дирижер – Қазақстанның еңбек сіңірген қайраткері Гүлмира Құттыбадамова

 

Бас хормейстер – Данара Ташатова

Концертмейстер – Гүлден Базыкен

 

Концерт бағдарламасында Қазақстан композиторларының (Ә.Бестібаев, М.Ибраев, А.Тоқсанбаев, А.Жұмашев, Т.Мұхамеджанов, Т.Салықов, Ә.Әбдінұров және т.б.) хорға арналған туындылары мен өңдеулері, сонымен қатар батыс еуропалық авторлардың (М.Преторий, И.Брамс, М.Регер, А.Пярт,  К.Мартин, Д.Хетфилд және т.б.) шығармалары шырқалады.

 

Ұзақтығы – 1 сағат 15 минут

 

Дирекция орындаушылар мен орындалатын шығармаларды ауыстыру құқығын өзіне қалдырады