Ақ кеме. Премьера!

Адам туады, өледі, бірақ мәңгі бақи өлмейтін шындық бар, ақиқат бар... Ол – сенім... ол – сағыныш... Күн шықса шетсіз-шексіз көкжиектерге қырағы қиялымен көз салып, кеш батса айдын-көлдің дидарына ақ кемесін қондырып, ақ қанат арманын асау толқындар арасынан күткен періште көңіл сәбидің санасындағы сан алуан арпалыстың түбі айналып келіп ұрпақ жалғастығы яки ұлт ертеңі деген ұлы мұратпен астасатыны аңызға бергісіз әфсананың астарында шебер шендестірілген. 

Қойылымды тамашалап отырып ата мен немере арасындағы нәзік жіп, ұрпақ пен ұлттың ұйтқысы болған тамырластық тіні түбі ешқашан үзілмесіне сенгіңіз келеді. Сол үшін де Ақ кемесін үздіге күткен баланың аппақ арманы алдамаса екен деп тілеулес боласыз іштей.

Бір сәтке періште көзімен мынау аппақ дүниеге көз салғызып, пендеуи тірлікке жаңаша назар аудартқызар айтулы туынды көрерменін де бейжай қалдырмасы, өзгеше ой биігіне жетелері сөзсіз. 

Ш.Айтматов «АҚ КЕМЕ»

Қоюшы режиссері – Шыңғыс Жақыпбай

Костюм суретшісі – Арман Теміртас

Хормейстер - Анель Сиргебаева

Музыкамен сүйемелдеушілер - Лаззат Қуанышова, Саида Максумова, Зарина Тулемисова, Әлихан Нүрмахан, Алихан Жасанұлы, Еркебұлан

Режиссердің ассистенті – Әсем Жорабек

Кейіпкерлер:

Бала - Асылбек Әйтіш

           Әйгерім Түсіпбекова

Бұғы ана - Қаламқас Мелисова

                   Диана Болатбекқызы

Ата - Елдос Шәйкенов

Апа: Мадина Жұмабаева

Оразқұл - Сүндет Сәрсен

Бекей - Мадина Май

Гүлжамал - Әсем Жорабек

Сейдахмет - Әбутәліп Әмре

Жүргізуші - Елмар Рахымжан