«Шымбулак» тау курорты

Мекен-жайы: Керей-Жәнібек хандар көшесі, № 640 «В»

Байланыс нөмірі: +7 727 331 77 77

Велотұрақ: Медеу арқан жолының маңында

Тұрақ: бар

Кіру: Медеу арқан жолының тарапынан

Касса: 8 (727) 331 7777

Буфет: аумақта дәмханалар мен мейрамханалар бар

Бір кездері «Чимбулак» деп аталған тау шаңғысы курортының тарихы 1954 жылы ресми ашылу күнінен әлдеқайда бұрын бастау алған. 1940 жылдары Іле Алатауының шатқалындағы орынды альпинистер, шаңғышылар және салауатты өмір салтын насихаттаушы белсенділер кеңінен қолдана бастаған. Оның орналасуы, еңіс дәрежесі және табиғи жағдайлары оны алдымен Кеңес одағында, содан кейін бүкіл әлемде танымал етті.

1950 жылы қандай да бір жабдықталған база пайда болғанға дейін мұнда жарыстар өткізіліп, олардың нәтижелері таң қалдырды, себебі бұл жерде жылдамдық сағатына 120 км-ге дейін оңай көтерілетін еді. Содан кейін бұл жерде үйлер, клуб, асхана және бірінші арқан салынды (бұған дейін спортшылар жарысқа жаяу көтерілетін, бұл кейде 3 сағат уақытын алған болатын).

Кейіннен мұнда Одақ құрамасы жаттығып, көрнекті шаңғышы Александра Артеменко өз шеберлігін танытты. Осымен 20 жыл бойы «Шымбұлақта» спортшының құрметіне жарыстар өткізіліп келеді.

Жалпы алғанда, мұнда өткен жарыстардың «қызметтік» тізімі айтарлықтай әсерлі, олардың ішінде:

• КСРО халықтарының спартакиадасы (1986 ж.);
• «Күміс Эдельвейс» турнирі;
• ҚР шаңғы спортынан жыл сайынғы чемпионаттар;
• Қысқы Азиада (2011 ж.);
• Универсиада (2017 ж.).

Азия ойындарына дайындық кешеннің ауқымды қайта құрылымдауымен байланысты болды: трассалардың ұзындығы ұлғайып, 4 көтергіштегі тростар ауыстырылды, сырғанау аймақтары кеңейтілді, қар атқыштар да орнатылды. Сондай-ақ, «Медеу» арқаны, мейрамханалар, спа-орталық және фристайл-парк салына бастады.

«Электрондық» Шымбұлақ

Курортты қайта жаңарту озық технологияларды да қамтыды. Енді мұнда көрсеткіштерді өлшеу жүйесі бар жарыстарға арналған ақпараттық табло орналастырылды. Бейне камералар орнатылған, олар арқылы беткейлерде дәл қазіргі уақытта не болып жатқанын бақылап тұруға болады. Алайда интернет әлеміне «өту» онымен шектелмеді: Шымбұлаққа онлайн абонементтерді «Тикетон» сайтынан сатып алу мүмкіндігі пайда болды. Тек қажетті нұсқаны таңдап, жасыл «сатып алу» түймешігін басыңыз. Одан әрі, барлық жолдарды мұқият толтырып, тапсырысты ресімдеңіз. Төлем жүргізілгеннен кейін электрондық билет сіз көрсеткен электрондық поштаға жіберіледі.

Шымбұлаққа қалай жетуге болады?

• кассаның жанындағы тұрақта қалдыруға болатын жеке автокөлікпен;
• Достық-Құрманғазы аялдамасынан жүретін автобуспен.

«Медеуге» жеткенде гондольді жолға ауысып, Шымбұлаққа оңай түрде жете аласыз.

Осы басылымға иллюстрация ретінде пайдаланылған барлық суреттер ашық интернет көздерінен алынған: Шымбұлақ