ҒАСЫРЛАР ҮНІ

1 қараша күні Е. Рахмадиев атындағы Мемлекеттік академиялық филармониясының концерт залында ҚазКСР Халық әртісі, композитор Сыдық Мұхамеджановтың 100 жылдығына арналған «Ғасырлар үні» атты концерті өтеді. Басталуы сағат 19.00-де.

Сыдық Мұхамеджанов- қазақ кәсіби композиторы, Қазақстанның композиторлық мектебінің негізін қалаушыларының бірі, Қазақ КСР және КСРО Халық әртісі, Мемлекеттік сыйлықтың лауреаты, ХХ ғасырдағы қазақ музыкасының классигі. Оның шығармашылық мұрасы музыкалық өнердің көптеген жанрларын қамтиды: опералар, симфониялар, ораториялар, концерттер, әндер, романстар, хорлар, драмалық қойылымдарға арналған музыка және т.б.

Сыдық Мұхамеджанов қазақ музыкасында жаңа жанрлардың негізін қалады: алғашқы ұлттық комикс операсын, алғашқы қазақ ораториясын, оркестрмен дауысқа арналған концерт жанрын жасаушы.

«Ғасырлар үні» концертінің бағдарламасы Сыдық Мұхамеджановтың шығармаларынан тұрады. Композитордың симфониялық шығармалары мен вокалдық шығармалары ұсынылады:

1. «Көне Түркістанда» оркестрге арналған 4 бөлімді сюита

2. ⁠Дауыспен оркестрге арналған концерт

3. ⁠Ақтоқтының ариясы (Ақан сері - Ақтоқты операсынан)

4. Айсұлудың ариясы (Айсұлу операсынан)

5. Серкенің каватинасы (Айсұлу операсынан)

6. ⁠Жарқ етпес қара көңлім (Абайдың өлеңіне жазылған романс)

7. ⁠«Ғасырлар үні» солистер, хор және оркестрге арналған оратория

Концертке филармонияның шығармашылық ұжымдары мен солистері қатысады: Симфониялық оркестр. Көркемдік жетекші Қазақстанның халық әртісі, Еңбек сіңірген қайраткері, "Құрмет" орденінің иегері Абзал Мұхитдин. Дирижер - "Құрмет "орденінің иегері Арман Жайым.

Камералық хор. Көркемдік жетекшісі және бас дирижері - Қазақстанның еңбек сіңірген қайраткері Гүлмира Құттыбадамова.

Солистер:

ҚР еңбек сіңірген қайраткерлері:

Бибігүл Жанұзақ, Азамат Жылтыркөзов;

ҚР Мәдениет қайраткері Баян Жүсіпова;

«Дарын» мемлекеттік жастар сыйлығының лауреаты Әйгерім Аманжолова;

Халықаралық байқаулардың лауреаттары: Шахризада Тыныштық, Талғат Аллабиринов, Фируза Рахметова, Нұрсәт Алмас.