Веналық бал

Веналық балдардың музыкасын орындайтын Ш.Қажғалиев атындағы эстрадалық-симфониялық оркестр мен бас дирижер Никита Говоровтың арқасында қала сахнасында Венаның музыкалық мәдениетінің сиқырлығы мен әсемдігі жанданады. Осынау керемет шара 22 ақпан күні сағат 19.00-де «Атамекен» концерт залында орын алып, классикалық музыка сүйер қауым үшін ұмытылмас музыкалық саяхат болары сөзсіз.

Ғасырлар бойы веналық музыка мәдениеті өзінің талғампаздығы мен нәзіктігімен таңғалдырып келеді, Бұл концерт көрермендерді керемет балдар мен ұлы мерекелердің атмосферасына баурай түседі. Оркестр Штраус, Моцарт, Чайковский, Хачатурян және басқа да ұлы композиторлардың шығармаларынан белгілі вальстерді және вокалдық дуэттерді орындайды.

Концерт талантты солистер мен майталман бишілердің өнерінің арқасында көркейе түсті, бұл шығармаларға қосымша тереңдік пен әдемілік сыйлағаны анық. Симфониялық оркестрдің жанды дауысы, жан-жақты әуендері мен шебер орындауы әрбір көрерменге нәзік музыка әлеміне терең бойлап, жарқын эмоцияларды сезінуге керемет мүмкіндік сыйлайды.