«Балалар театрға шақырады»

Концерт

«Балалар театрға шақырады»

КОНЦЕРТ ҚАЗАҚ ЖӘНЕ ОРЫС ТІЛДЕРІНДЕ ӨТЕДІ

Ұзақтығы 1 сағат 15 минут

Жас шектеуі 5+ екендігіне назар аударуды сұраймыз

Дирекция орындаушылар мен орындалатын шығармаларды ауыстыру құқығын өзіне қалдырады

Халықаралық балаларды қорғау күнінде «Астана Опера» театрының театрлық студиясы дәстүр бойынша өзінің жыл сайынғы «Балалар театрға шақырады» есептік концертін ұсынады.

Балалар студиясы 2013 жылы құрылды. Хор және балет студиясының тәрбиеленушілері театр спектакльдері мен концерттік бағдарламаларының қатысушылары. Студияда өнерге деген қызығушылығы мол, сахналық дарыны мен музыкалық қабілеті бар балалар тәлім алуда. Бүгінгі таңда оның түлектері Қазақстан мен шетелдің шығармашылық жоғары оқу орындарында білім алуда.

2022 жылдан бастап «Астана Операда» «Театр қолөнері» бірегей жаңа жобасы іске қосылды. Балалар бутафорияны, костюмдерді жасап, бейнелеу өнерінің қыр-сыры мен негіздерін үйренуде. Концерт басталмас бұрын жас қолөнершілер көрермен назарына өз жұмыстарының көрмесін ұсынады.

Ал балалар хор студиясының қатысушылары сахна төрінде классикалық әрі ұлттық репертуар туындыларын орындаса, жас бишілер жарқын хореографиялық нөмірлерді паш етпек.

Балет студиясының жетекшісі Ғалия БӨРІБАЕВА, Қазақстанның еңбек сіңірген қайраткері

Балалар хор студиясының жетекшісі Алтынғаным АХМЕТОВА

Хормейстер Айгерім АМАНГЕЛЬДИЕВА

Концертмейстер Ирина КУРГУЗКИНА

Концерттің режиссері Николай КОРШУНОВ

Балалар студиясының жетекшісі Назым ЖАЙЛАУБАЕВА

«Астана Опера» МОБТ-дан сатып алынған билеттер спектакльдің өткізілмеуі немесе басқа күнге ауыстырылуы кезінде ғана айырбасталуға және қайтарылуға тиіс. Өзге жағдайларда қайтару мен айырбастау жүргізілмейді.