«Арман» қойылымы

Бәріміз де жасөспірім болғанбыз. Үлкен қиындықтарға тап болған, алғашы махаббат сезіміне бөленген, күрделі қарым-қатынастарда болған жас бозбалалар мен қыздар едік. Біздің сөзімізге құлақ асып, ойымызды түсініп, ересек адамның өмірін қалай сүру керектігін үйреткенге зәру болдық.

«Арман» - екі жасөспірім қыздың қопарылған ішкі жан дүниесі. Барлық қорқыныш сезімдері, толғаныстары, оғаш логикалық ойлары көрсетілген бейнесі. Күнделік беттеріне теңесетін оқиғалар көрермендерді уақыт кеңістігінде саяхатқа жөнелтіп, қазіргі заманның жастарына басқа қырдан қарауға мүмкіндік береді. Себебі әрбір шағын мәселе үлкен трагедияға ұласып кетуі мүмкін емес пе.