ШЫРҚА ДАУЫСЫМ

19 қазан күні сағат 17:00-де Е. Рахмадиев атындағы мемлекеттік академиялық филармонияның Камералық залында Халық әні бөлімінің «Шырқа дауысым» атты концерті өтеді.

Концертте халық әні мен күй өнерінің інжу-маржандары ұсынылады. Қазақ халқының дәстүрлі өнерін дәріптеуді мақсат еткен бұл кеште елге танымал орындаушылар, халықаралық және республикалық байқаулардың лауреаттары өнер көрсетеді. Ән мен күйге сусындаған көрермен халқымыздың бай музыкалық мұрасымен қайта қауышып, рухани ләззат алады.

Кештің ерекшелігі ұлттық өнеріміздің танымал туындыларымен қатар, сирек орындалатын шығармалар да орындалады. Жас орындаушылардың таланты мен кәсібилігі көрерменді тәнті етіп, тыңдармандарды дәстүрлі өнерге деген құрмет пен сүйіспеншілікке баулиды.

Концерттік бағдарламада қазақтың атақты күйшілері мен композиторларының шығармалары, сондай-ақ Біржан сал, Ақан сері, Нұртуған Кенжеғұлұлы, Манарбек Ержанов, Нұрғиса Тілендиев, Кенен Әзірбаев сынды ұлы тұлғалардың әндері орындалады.

Концертке республикалық және халықаралық байқаулардың лауреаттары Жандос Иманбай, Айнұр Қонысбаева, Өзгеріс Шерікбай, Алуа Қалымбекова, Нұрайым Ерталапқызы, Айдос Оңғарбай және «Сарыарқа» халық музыка ансамблі өнер көрсетеді.

Кеш жүргізушісі Мәдениет саласаның үздігі - Берік Омаров.

Барша өнерсүйер қауымды «Шырқа дауысым» атты кешімізге шақырамыз. Бұл концертте қазақтың дәстүрлі музыкасының асыл мұраларын тыңдап, орындаушылардың өнерін тамашалау мүмкіндігін жіберіп алмаңыз!