Муза қыс

Үкілі Ыбырай атындағы Ақмола облыстық филармониясында көпшіліктің көңілінен шыққан музыкалық кофеханалар жалғасын табуда. 22 желтоқсан күні сағат 15.00-де филармонияның шығармашылық ұжымдары сүйікті көрермендерінің назарына «Муза зима» атты музыкалық кофеханасын ұсынады. Кешті дәрісші-музыкатанушы Юлия Никитенко жүргізеді. Табиғаттың әрбір маусымы өзіне тән қызығы мен сейіл-серуенімен ерекше. Қыс мезгілі де өзіндік кіршіксіз аппақ қарымен,

сықырлаған аязымен, бұрқасын боранымен есте қалады. Бұл мезгілде адамдар табиғаттың құпиясын, ерекше бір ұмытылмас сәттерін тамашалай алады. Бүгінгі кеште мамықтай ұлпа қарға оранған, жақұттай жалтырап көздің жауын алатын сиқырлы қыс мезгілінің құпия сырларын бізбен бірге ашасыздар. Концерт билеттерін тикетон сайтынан және филармония кассасынан сатып алуға болады. Тамаша кештің куәсі болыңыздар!