Мектеп

Қазақстандық жас драматург Қ.Мұраттың «Мектеп» пьесасы бойынша сахналанған қойылым қазіргі мектептегі оқиғалар мен мәселелерді арқау еткен.

Заманауи мектептегі оқушылар мен мұғалімдер, ата-аналар мен ұстаздардың ара қатынасы мүлде өзгеше екені белгілі. 

Бұрынғы мектеп пен қазіргі мектептің айырмашылығы жер мен көктей. Жас толқынның білімге, өмірге, дүниеге көзқарасы ғаламдық ауқымды қамтиды.

Олардың бірі білім мен техникаға құмар болса, екіншісі спортқа, ал үшіншісі «Дорама» көруге құштар. Отбасын асырау жолында  жұмыстан қолдары мүлде босамайтын ата-аналар өз балаларына ең керегі көңіл бөлу, қарапайым сырласу екенін ұмыта беретіні неден?

Ата-анасының назары бөлінбеген балалар өмірді қалай қабылдайды? Жан дүниелеріне тіреу болатын нәрсе не? 
Қойылым осы сұрақтарға жауап іздейді...