БАРИТОНДАР ҮШТІГІ концерті

Құрметті Павлодар қаласының тұрғындары мен қонақтары!

Иса Байзақов атындағы Павлодар облыстық филармониясы Алмас Мұқатай, Айбар Ашкеев және Әлижан Қазбеков секілді теңдессіз баритон иелерін тамашалауға қуана шақырады. Кешке аты аңызға айналған Виктор Шейкиннің джаз оркестрі мен дарынды жас пианист Ерлік Сайырхан қатысады.

Иса Байзақов атындағы Павлодар облыстық филармониясы өзінің барлық тұрақты көрермендері мен жаңа достарын кезекті үлкен концертке шақыруға қуанышты. Солистер - республикалық және халықаралық байқаулардың лауреаттары Алмас Мұқатай, Айбар Ашкеев, Әлижан Қазбеков.

Концерттік бағдарлама екі бөлікке бөлінген. Баритондар орындауында «Дударай», «Аққу домбыра», «Қарағым-ай» және танымал әлемдік попурри әндері орындалады. Концертмейстер - майталман пианист, Қазақ ұлттық өнер университетінің түлегі Ерлік Сайырхан.

Екінші бөлікте солистер Қазақстанның мәдениет қайраткері, маэстро Виктор Шейкиннің жетекшілігіндегі филармонияның джаз оркестрінің сүйемелдеуімен өнер көрсетеді.

Көрермендер белгілі кеңестік және шетелдік авторлардың эстрадалық және классикалық туындыларын тамашаламақ. Олардың арасында - «O sole mio» Джованни Капурро, «Сұлулық патшайымы» Арно Бабаджанян, «Dancing Queen» Бенни Андерссон, Бьорн Ульвеус және Стиг Андерсон, «Oh, Pretty Woman» Рой Орбисон, Консуэло Веласкестің «Besame mucho» және әлемдік музыканың алтын қорына енген басқа да танымал композициялар.

Ерекше концерттік бағдарлама жаңа филармония маусымында ешкімді бей-жай қалдырмайтынына және кез келген талғампаз өнер сүйер жанның жүрегін баурайтынына кәміл сенеміз.