ІҢКӘР АЙДАРХАНҚЫЗЫНЫҢ ЖЕКЕ КОНЦЕРТІ

Құрметті өнер сүйер қауым!

Сіздерді талантты биші, «Гүлдер» ансамблінің әртісі, беделді халықаралық байқаулардың лауреаты Іңкәр Айдарханқызының жеке концертіне шақырамыз.

Іңкәр Айдарханқызының шығармашылық жолы дәстүр мен жаңашылдықтың үйлесімі. Ол еліміздің ең үздік хореографиялық мектебін тәмамдап, Римдегі Ұлттық би академиясында тағылымдамадан өтті. Бұл оған академиялық бағыттың шеңберінен шығып, классикалық би техникасы мен жаңашылдықты үйлестіретін өзіндік айрықша стилін қалыптастыруға мүмкіндік берді. Іңкәр Испания, Латвия, Швеция, АҚШ, Өзбекстан және Қазақстан елдерінің халықаралық байқауларында жеңімпаз атанып, көрермендер мен сыншылар тарапынан жоғары бағаланды.

Елімізде жеке би кештері өте сирек кездесетін мүмкіндік. Бұл көрермен мен әртіс арасында өнер арқылы диалог құра отырып, уақыт пен кеңістік шекараларын жоя алатын күшке ие эстетикалық тәжірибе. Әрбір композиция би тілінде айтылған әңгіме, эмоция, музыка және ең терең сезімдерді оятатын қимылдардың таңғажайып синтезі.

Бұл концертте

• Жан-жақты әрі жарқын бағдарлама: әлем халықтарының және қазақ ұлттық билері, өзіндік колоритке толы, жаңашыл идеялар мен эмоционалды тереңдікке бай заманауи хореографиялық шығармалар, сондай-ақ Қазақстанның жетекші хореографтарымен бірлесе әзірленген эксклюзивті жеке нөмірлері;

• Үздік музыканттардың жанды сүйемелдеуі;

• Ерекше визуалды эстетика: арнайы осы кеш үшін дайындалған әсем костюмдер мен әрбір қимылды айшықтайтын жарық әсері;

• Премьералар: Сіздер осы концертке арнайы дайындалған жаңа хореографиялық қойылымдарды алғашқы болып тамашалай аласыздар.

Кеш қонақтары:

• Қазақстанның халық артисі Секен Тұрысбеков;

• «Дарын» мемлекеттік жастар сыйлығының лауреаты Асқар Мұқият;

• Мемлекеттік жастар сыйлығының «Дарын» лауреаты Ардақ Елеусіз;

• Халықаралық байқаулардың лауреаты Венера Табыс;

• Халықаралық байқаулардың лауреаты Ербол Тәжібаев;

• Танымал қазақстандық қобызшы Олжас Құрманбек;

• Халықаралық байқаулардың лауреаты Меруерт Тұрсынбек;

• «Гүлдер» ансамблі;

• «Астана сазы» қазақ мемлекеттік фольклорлық ансамблі;

• «Temirlan&Yernat» дуэті.

Бір сәтте, бір алаңда өнердің өткені, бүгіні мен болашағын байланыстыратын ерекше оқиғадан құр қалмаңыз!