«Temps lié» III халықаралық фестивалі ASTANA BALLET театрында

Сіздерді «Temps lié» ІІІ Халықаралық фестивалі аясында өтетін ұмытылмас балет кешіне қуана шақырамыз. Борис Эйфман би академиясы әлемдік балетінің маржан туындысын, «Epiphania» атты рухани ізденістер мен мәңгілік құндылықтар туралы айтулы хикаямен таныстырады. Классикалық және қазіргі заманғы музыканың бірегей үйлесімі Рахманинов, Моцарт, этно, рок, техно әсерлі декорациялармен және дарынды әртістердің майталман орындауымен бір үйлесімде спектакльдің бірегей атмосферасын қалыптастыратыны анық. Сондай-ақ, Пекин би академиясының оқушылары Мариус Петип пен Артур Сен-Леонның әлемдік классикалық мұрасының жауһарларын, сондай-ақ қазіргі заманғы хореографтардың қойылымдарын қамтитын «Дивертисмент» бірегей бағдарламасын ұсынады. Бағдарлама классикалық хореография мен қазіргі заманғы би рухын шебер біріктіріп, көрермендерге ұмытылмас әсерлер сыйлауға кепіл етеді.