«Қос астана дуэті: «Геликон-опера» және «Астана Опера»

Өтетін орны: Астана қ., Astana Opera

Күні: 9 желтоқсан, 2023

Уақыты: 17:00

Ұзақтығы: 1 сағат 20 минут

Жас шектеуі: 10+

Қосымша: Дирекция орындаушылар мен орындалатын шығармаларды ауыстыру құқығын өзіне қалдырады. «Астана Опера» МОБТ-дан сатып алынған билеттер спектакльдің өткізілмеуі немесе басқа күнге ауыстырылуы кезінде ғана айырбасталуға және қайтарылуға тиіс. Өзге жағдайларда қайтару мен айырбастау жүргізілмейді.

 

«Астана Опера» театрының сахнасында Қазақстандағы «Орыс маусымдары» фестивалінің жабылу салтанатына арналған ғаламат музыкалық оқиға орын алмақ.

 

«Қос астана дуэті» гала-концерті Қазақстанда ағымдағы жылы өткен іс-шаралар топтамасын түйіндейді. Аталмыш жобада ресейлік және қазақстандық әртістер өнер көрсетеді. Гала-концерт ұйымдастырушылары – Дмитрий Бертманның жетекшілігіндегі «Геликон-опера» Мәскеу музыкалық театры.

 

«Орсы маусымдары» − екі елдің мәдениетаралық диалогына тың мүмкіндіктер ашатын ауқымды фестиваль. Жобаны Қазақстанның Мәдениет және ақпарат министрлігінің қолдауымен Ресей Үкіметі мен Ресей Федерациясының Мәдениет министрлігі ұйымдастырған.

 

Концерт бағдарламасында классикалық опера репертуарының жауһарларынан (Дж.Верди, А.Тома, Дж.Пуччини, Ж.Бизе, Ж.Оффенбах, И.Кальман, Л.Делиб, П.Чайковский, А.Жұбанов, Л.Хамиди, Е.Брусиловский, Қ.Шілдебаев және т.б.) ариялар мен дуэттер шырқалады.

 

Гала-концертте «Геликон-опера» Мәскеу музыкалық театрының солистері мен «Астана Опера» театрының солистері, хоры мен оркестрі өнер көрсетеді.

 

Дирижер – Валерий КИРЬЯНОВ

Режиссер – Илья ИЛЬИН