Севилья фламенкосы Алматыда

«Flamenqueria Sevilla» («Фламенкерия Севилья») фламенко ұжымы Андалусия астанасы Севильядағы фламенко мәдени орталығының базасында құрылған. Ол фламенко өнері пайда болған қаланың тарихи ауданы - Трианада орналасқан екен. Flamenqueria - бұл фламенко академиясы, ал «таблао» - фламенконың дәстүрлі би, ән салу және гитара форматындағы өнер көрсетулері өткізілетін орын.

10 сәуірде Республика Сарайында көрсетілетін бағдарламаны 12 фламенко әртісі Испаниядағы жетекші фламенко труппасының солистері (Испанияның Ұлттық балеті, Андалусия фламенко балеті, Кристина Ойос балеті және т.б.), халықаралық байқаулардың лауреаттары және Андалусия мен Испанияның үздік «таблаосының» үлкен сұранысқа ие майталмандары ұсынады.  Концертті қоюшы - биші және хореограф Cristian Lozano (Кристиан Лосано), труппаның солисі Эва Йербабуэна, Испания Ұлттық балетінің және труппасының бұрынғы солисі Аида Гомес нағыз фламенко мен классикалық испан биінің элементтеріне бай бағдарламаны дайындады. Көрермендер фламенко биінің барлық алуан түрлілігін, күрделі тұстарды, жарқын кастаньеттерді, bata de cola шлейфті көйлектерді тамашалайтын болады, ал осының бәрі шебер перкуссиямен көмкерілген испан гитарасының және «cante jondo» (фламенко әні) сүйемелдеуімен өтпек.