ТАНГО КЕШІ

Қыстың суық кешінде табиғат тылсым тыныштыққа мүлгіп, аппақ сиқырға оранған кезде, танго ғана сезім отын лаулатып, жүректерді жылыта алады. Қазақконцерттің әртістері баршаңызды жағымды эмоцияға, ырғаққа және экспрессияға толы әуендер әуелейтін «Танго кешіне» шақырады.

Бұл кеште:

• Бір сахнада скрипка, виолончель, баян және фортепиано аспаптары тоғысып, ерекше аспаптық үйлесім жасайды.

• «Нью-Йорк Танго», «Кумпарсита», «Әйел затының иісі» және «Клодқа арналған танго» сынды тангоның танымал әуендері классикалық тангоның сиқырлы әлемін ашады.

• Қазақ тангосы: Дәстүр мен джаз мотивтерін біріктіретін жаңа дыбыстағы сүйікті әуендер.

• Пьяццолланың жауһарлары: «Қыс», «Обливион» және «Либертанго» сынды ғажайып туындылары.

• Эксклюзивті авторлық композиция: концерт үшін арнайы жазылған шығармалар премьерасы.

• Шоу-бағдарлама: әр шығарманың эмоциялық реңкін күшейтетін музыканттар мен хордың сүйемелдеуіндегі хореографиялық қойылымдар.

Концертте:

• «Saz & Soul» тобының әртісі, халықаралық байқаулардың лауреаты, Президенттік стипендияның иегері Толқынхан Самғар (баян);

• «Гүлдер» ансамблінің концертмейстері, республикалық және халықаралық байқаулардың лауреаты, «Notre dame de Paris», «Қазақстан дауысы», «Солдат любви» жобаларының концертмейстері Дана Молдағалиева (фортепиано);

• «Дарын» мемлекеттік жастар сыйлығының лауреаты Әлібек Әлмадиев;

• Халықаралық және республикалық конкурстардың лауреаты Салтанат Меңдіғалиева;

• «Гүлдер» ансамблінің әртістері: Әміре Нұрсаулет, Ақерке Батырбек, Камилла Шкибаева сынды Қазақконцерттің жұлдыздары өнер көрсетеді.

Шақырылған қонақтар:

• Халықаралық конкурстардың лауреаты, Президенттік оркестрдің әртісі Еңлік Қасымбекова;

• Республикалық конкурстардың лауреаты, «Астана Балет» театры оркестрінің әртісі Мадина Рахманқұлова.

Ең үздік әртістердің орындауындағы танго жауһарларын тамашалап, керемет кештің куәсі болыңыздар!

Тангоның ыстық лебіне жылынып, қыс мезгілін жарқын түстермен бояйтын осы ұмытылмас кештен рахат алыңыз!