TAMYR

Өтетін орны: Астана қ., Еркеғали Рахмадиев атындағы Мемлекеттік академиялық филармония

Күні: 6 ақпан, 2025 жыл

Басталуы: 19:00

Қосымша:

«TURAN» этно-фольклорлық ансамблі түркі әлемін дүр сілкіндірген «TAMYR» жобасын ұсынады. Ансамбль концертте түркі халықтарының түптамырын, мифологиялық дүниетанымын заманауи музыкалық-театрландырылған бірегей шоу арқылы көрсетеді. Концерт толық жанды дауыста өтеді, кеште көрермен түркітілдес халықтардың музыкалық аспаптарының үнін тыңдап, тамыры бір түркі дүниесінің тарихына саяхат жасай алады. «TAMYR» концерті халыққа мағынасы терең, мазмұнды, сапалы музыкамен қатар, естен кетпес көңіл күй, рухани байлық сыйлайды. Концертте ансамбль мүшелері қазақ халқының 30 дан астам ұлттық музыкалық аспаптарымен қатар, қырғыз, өзбек, азербайжан, түрік, түркімен, мажар, саха халықтарының да ұлттық музыкалық аспаптарында ойнайды.

«TURAN» ансамблі әлемнің 122 қаласында 3000 аса жеке концерттерін беріп, түркі әлемінің музыкалық бренді атанды. «TURAN» ансамблі әлемнің атақты «Carnegie hall» (Нью-Йорк, АҚШ), «Kennedy center» (Вашингтон, АҚШ), «Zellerbach hall» (Лос-Анджелес, АҚШ), «Konzerthaus» (Берлин, Германия), «Palais des festivals et des Congres» (Канны, Франция), «Salle Cartot» (Париж, Франция), П.И.Чайковский атындағы Мемлекеттік консерваторияның Үлкен залы (Мәскеу, Ресей), Мариин театрының концерт залы (Санкт-Петербург, Ресей) және т.б. концерт залдарында өнер көрсеткен. Ансамбль қазақ музыка мәдениетінде өзіндік жеке стилін қалыптастырып, елімізде 5 адамнан құралған мультиаспапшылардан тұратын ансамбльдер қатарының көбейуіне негіз болды.