Бибігүл Сүйіншалина (Ақтанова)

Бибігүл Сүйіншалина дарыны көркіне сай керемет актриса . Қазақстанда да, Ресейде де танымал. Бибігул «Громовы. Дом надежды» сериалынан кейін белгілі болып, содан кейін көптеген мелодрамалар мен көп сериялы жобаларға да қатысты.

Шығармашылық жолы

Бибігүл кинодағы жолын 2 жасқа толғанда бастаған: ата-анасының арқасында ол жарнамаға түскен. Жаңа дәрі-дәрмектің жарнамасында жапондық баланың бейнесін шебер түрде игерді.

Жеті жасында Бибігүл балаларға арналған киім топтамасының көрсетілімінде модель бола отырып, сән сахнасын бағындырды. Ал бір жылдан кейін «Жұлдызым» бейнебаянына түсті.

Көк тұлпарларға деген сүйіспеншілігіне және ат баптаушы мамандығын алғысы келетініне қарамастан, өзін актерлікке арнады. Сондықтан БМКУ-ті, Сергей Соловьевтің курсын бітірді. Кинодағы дебюті 2007 жылы «Громов-2» сериалында болған.

Бибігүл Сүйіншалина өзіне алатын жобаларды аса мұқият іріктейді. Ойнаған кейіпкерлерінің әр алуандылығы таңғалдырады - салқын қанды, мейірімді, қынжыл, бірақ олардың бәрі көрермендердің есінде міндетті түрде қалатыны анық:

• Эля - «Виртуалды махаббат»;
• Айжан - «Выжить после»;
• Няня - «Бәйбіше»;
• Тәжік әйел - «Соңғы жапырақ»;
• Динара - «Ничего личного» және басқалар.

Бибігүл Сүйіншалина: отбасылық өмірі

Иван Бурмистровқпен тұрмыс құрған. Жарасымды жұптың жолы ұзақ болардай еді, алайда кенет ерлі-зайыптылар ажырасып кетті. Содан кейін ол Шер Әлимен біраз уақыт кездесіп жүрді, бірақ қарым-қатынас ұзаққа созылмады. Қазір Бибігүлдің басы бос.

Қызықты фактілер

1. Ешқашан жалаңаш түсірілмейді. «Пираньи» фильміндегі сахналардың бірінде оның орнына дублер болды.
2. 2013 жылы Ресейдегі ең әдемі қазақ қызы деп танылды.
3. Көлік жүргізуді ұнатады. 2017 жылы қыздар арасында әуесқой деп саналатын жолсыз жарыста жеңіске жетті.
4. «BBGUL» флористика салонын басқарады.