Naiza Семей қаласында

Көптен күткен NAIZA турнирі Семей қаласында!

Сіздер сұрадыңыздар, біз ұйымдастырдық! NAIZA 70 турнирі Семей қаласында орын алмақ. «Еркін Күш» клубының күрескерлері - жартылай жеңіл салмақ көрсеткішінің чемпионы Нұрбек Қабдрахманов (10-2, 2 КО/ТКО, 6 SUB) және де ең кіші салмақ көрсеткішінің чемпионы Бағдат Жұбаныш (5-1, 2 КО/ТКО, 2 SUB) өз атақтарын қорғап, өтіп бара жатқан жылды жеңіспен аяқтауға әбден дайын.

Сондай-ақ, лига есігін теуіп кірген қызба финишеріміз, Тайлақ Нұралының (11-1, 10 КО/ТКО, 1 SUB) күрес алаңына қайта оралуын қарсы алыңыздар. Оған Hardcore лигасында өнер көрсеткен тәжірибелі күрескер Максим Михтеев (14-9, 5 КО/ТКО, 3 SUB) қарсы тұрмақ.

Сонымен қатар турнирде Тимур Серікұлы (4-2), Тэимур Жапаров (14-3), Әли Бадруддинов (2-0), Көшен Ақанов (5-0), Бахромжон Рузиев (5-1) және т.б. өз шеберліктерін танытуға келмек!