Ертегіге саяхат

«Ертегіге саяхат» қойылымы бала күтуші Фрейлиналардың кішкентай ерке Ханшайымды тынышталдырып, ұйықтатуға әлек болғаны туралы баяндайды. Алайда кішкентай Ханшайымға арнап, ертегі ойлап тапқаннан кейін, оның еркелігі басылып, қызықты шытырмандар басталады. Ертегі мекенінде Ханшайым Жұлдызды бала есімді жаңа дос табады. Бұл қойылым балалар мен ата-аналарға нағыз өнеге, себебі балаларды ешбір дүниеге мәжбүрлеп тартудың пайдасы шамалы екенін үйретеді. Балаға ертегі ұсынып, оны қиял әлеміне тарта білу қажет.