«Орман тұрғындарының жаңа жылдық шытырмандары» ертегісі, «Ұрланған мерекені құтқару» анимациялық бағдарламасы

Жаңа жыл - ең керемет мереке! Армандар орындалып, нағыз сиқырлар орын алатын ғажайып кезең. Сіздерді «Орман тұрғындарының жаңа жылдық шытырмандары» ертегісіне, сондай-ақ «Ұрланған мерекені құтқару» анимациялық бағдарламасына қуана щақырамыз!

Жаңа жылдық қойылымдардың өшпес кейіпкерлері Кикимора, Леший мен Баба Яга көзге көрінбейтін тақияның көмегімен Аяз Атаның қоржынын ұрлап алмақшы. Жолай көптеген шытырмандарға тап болып, аңғал Аққала, сүйкімді Ақшақар секілді орман тұрғындарымен кездесіп, ертегі кейіпкерлері өздері байқамай жақсы іс жасайды екен. Ал қандай іс екенін біздің сиқырлы ертегі әлемінің оқиға желісін тамашалап, білетін боласыздар…

Театр кіреберісінде ертегі кейіпкерлерімен суретке түсуге болатын керемет фотоаймақ орналастырылады. Кеш бағдарламасына көңілді билер, қызықты ойындар мен ертегі кейіпкерлерімен кездесу кіреді.