Ұлы дала жүрегі

Өтетін орны: Астана қ., ГАФ концерт залы. Е. Рахмадиева

Күні: 8 желтоқсан 2024

Басталуы: 17: 00

Ұзақтығы: 1 сағат 20 минут

Жас шектеуі: 7+

2024 жылдың 8 желтоқсан күні сағат 17:00-де елордалық филармонияның концерт залында Астананың Алматыдан көшуіне орай ақын, филология ғылымдарының кандидаты, Лев Гумилев атындағы Еуразия ұлттық университетінің филология факультетінің деканы, «Құрмет» орденінің иегері Серікзат Дүйсенғазының шығармашылық кеші өтеді.

Кеш «Ұлы дала жүрегі» атауымен халқымыздың рухани байлығын дәріптейтін үлкен мәдени шара болмақ. Кеш барысында ақынның ел жүрегіне жақын шығармалары, қазақ музыкасының алтын қорына енген әндері орындалады.

Кеш қонақтары:

Қазақстан эстрадасының жарық жұлдыздары «МузАрт» тобы, Өмірқұл Айниязов, «Жігіттер» тобы, Заттыбек Көпбосынұлы, Қанат және Света Айтбаевтар, Досымжан Таңатаров, Роза Әлқожа, Айгүл Қосанова мен Өзгеріс Шерікбай, Медет Салықов пен Клара Төленбаева, Ардақ Балажанова, Қыдырәлі Болман мен Қарақат Әбілдина, Ерлан Рысқали, Қуандық Рахым.

Сондай-ақ, қазақтың айтыс өнерінің шеберлері Серік Қалиев, Ринат Зайытов және Еркебұлан Қайназар жыр бәйгесінің озық үлгілерін ұсынады.

Бұл кеш тек ақын шығармашылығын насихаттап қана қоймай, елорданың тарихи маңызын, оның мәдени-рухани орда ретіндегі рөлін ұлықтайтын маңызды шара болмақ.