Google ad services
Билеты на мастер-классы Алматы

Париж Құдай анасының соборы

Құрметті көрермендер!

«Астана Опера» мемлекеттік опера және балет театрының «Ashyq» пилоттық жобасына қатысуына байланысты, спектакльдерге алдын ала, ертерек келуді сұраймыз.

 

Театрға келер алдында «Ashyq» қосымшасын алдын ала өзіңіздің ұялы құрылғыңызға орнатуды сұраймыз.

Қолдану бойынша нұсқаулық:

1. Өзіңіздің ұялы құрылғыңызға «Ashyq» қосымшасын жүктеп, орнатыңыз (Iphone үшін App Store, ал Android үшін Google Play).

2. Өзіңіздің телефон нөміріңіз бен ЖСН енгізіңіз.

3. Театрға кірер кезде «КІРУ» тіркеуін таңдап, QR-кодты сканерлеу қажет (КІРУ).

4. Жүйе келушінің мәртебесін анықтайды, оны кірер кезде міндетті түрде Театр қызметкеріне көрсету қажет

​Мәртебелер:

Көк және Жасыл – Театрымызға кіруге шектеу жоқ

Сары – Театрымызға кіру шектелген, себебі COVID-19 таралуы бойынша байланысушы тұлға болып табылады

Қызыл – Театрымызға кіруге үзілді-кесілді шектеу қойылған, себебі өзін-өзі оқшаулауда немесе амбулаториялық емдеуде болуы тиіс.

Егер келушіде «қызыл» немесе «сары» мәртебе анықталса, ол Театрға кіргізілмейді және мәртебесі туралы скриншоттың бар болуы кезінде спектакльдің басталуына дейін сатып алған билеттерін тапсырады.

 

Бүгінгі таңда инфекция жұқтырғандардың өзін-өзі оқшаулауын бұзу деректері анықталған кезде санитариялық-эпидемиологиялық бақылау органдары мен ішкі істер органдарының лауазымды тұлғаларының іс-қимыл алгоритмі әзірленді.

 

Бұл алгоритм Ведомствоаралық комиссияның 2020 жылғы 7 желтоқсандағы хаттамасымен бекітілген. Сонымен қатар осындай тұлғалар үшін айыппұл түрінде әкімшілік жауапкершілік көзделген.

 

5. Егер келушінің өз мәртебесін тексеруге мүмкіндігі болмаса, осы үрдісті Театр қызметкері «күзетші» режимінің көмегімен – келушінің келісімімен оның ЖСН ақпараттық жүйеге енгізу арқылы жүзеге асыра алады.

Түсіністік танытады деген сенімдеміз!

 

Үлкен залдағы спектакльдерге жас шектеуі: 10+, Камералық залдағы концерттерге: 7+

65 жастан асқан адамдардың театрға келуіне уақытша тыйым салынғаны туралы еске саламыз.

(Негіздеме: Нұр-Сұлтан қаласының бас мемлекеттік санитариялық дәрігері С.С.Бейсенованың қолы қойылған «Нұр-Сұлтан қаласындағы шектеу және карантиндік шаралары туралы» 02.02.2021 жылғы № 5 қаулының 1.5-тармағы)

Сонымен қатар үзіліс кезінде әлеуметтік арақашықтық пен маскалы режимді сақтауды сұраймыз.

 

 

2020 / 2021                  Үлкен зал                  VIІІ маусым

2 маусым * сәрсенбі * 19.00

3 маусым * бейсенбі * 19.00

5 маусым * сенбі * 18.00

 

Морис Жарр

«Париж Құдай анасының соборы»

2 бөлімді, 13 көріністі балет

 

Либретто және хореография авторы Ролан Пети

Виктор Гюгоның аттас романы бойынша

 

«Астана Опера» театры мен «Ролан Пети балеттері» Қоры (Франция)

 

ҚОЙЫЛЫМ ТОБЫ:

Қоюшы балетмейстер – Луиджи Бонино

Костюмдер бойынша суретші – Ив Сен-Лоран

Сценограф – Рене Аллио

Қоюшы балетмейстердің ассистенті – Джилиан Уитингам

Қоюшы дирижер – Арман Оразғалиев

Костюмдерді жаңғырту бойынша суретші – Филипп Бино

Жарық бойынша суретші әрі қойылым үйлестірушісі – Жан-Мишель Дезире

Костюмдерді жаңғырту бойынша суретшінің ассистенті – Арасель Досмұратова

Балет труппасының көркемдік жетекшісі – Алтынай Асылмұратова, Ресейдің Халық әртісі

 

 

Премьерасы 1965 жылы 11 желтоқсанда Париж Операсында өткен.

1844 жылы Жюль Перро В.Гюгоның романы бойынша «Эсмеральда» балетін қойды. Алайда Ролан Пети өз көзқарасын ұсыну үшін оның бастапқы атауына оралуды жөн көріп: «Мен орта ғасырдың ұмытылғанын және көрермендер Виктор Гюго шығармасының қайғыға толы терең мағынасын түсінгенін қалаймын», – деді.

Оның спектаклінде басты орынға сұлу сыған қызы емес, Квазимодо шыққан. Бұл партияның алғашқы орындаушысы болған хореограф кемістігін байқату үшін костюм мен гримге мұқтаж болған жоқ, ол өз бүкірлігін «бимен» көрсеткен. Сахнада Квазимодоның жан-дүниесіндегі өзгерістер анық көрсетілген: ол өз «қожайыны» Клод Фроллоға деген шексіз адалдығын артқа тастап, бейкүнә Эсмеральданы құтқарып қалуға тырысады және оның өлімі үшін кек алуға дейін барады.

«Париж Құдай анасының соборы» балетінде классикалық бидің мінсіз сұлулығы заманауи пластикаға толы өткір қимылдармен алмасқан. Сондай-ақ бұл күрделі де қайғылы спектакльде қатал шындық пен қиял әлемі үйлесіп жатыр. ХІХ ғасырдағы «Эсмеральда» дәстүрге сай сәтті аяқталса, қаһарлы ХХ ғасырдың спектаклінде жалғыз Квазимодо ғана тірі қалады.

Спектакльге костюмдер жасаушы атақты сәнгер Ив Сен-Лоран Эсмеральданы қып-қысқа киімге киіндіріп, күллі париждік ақсүйектерді таң қалдырады – ол кезде мұндай үрдіс сәнге біртіндеп еніп жатқан еді. Бірақ оның ойынша барша еркектердің жүрегін жаулаған сұлу Эсмеральда дәл осындай қысқа ақшыл қызғылт көйлекпен шығуға тиіс болатын.

Бұл Ролан Пети мен оның қоюшылар ұжымы жасаған үлкен жеңіс болды: «Париж Құдай анасының соборы» премьерадан кейін бірден әлемдік хореография классикасына айналды.

 

Ұзақтығы – 2 сағат (бір үзіліспен)

 

 

БАСТЫ КЕЙІПКЕРЛЕР ЖӘНЕ ОРЫНДАУШЫЛАР:

 

2 МАУСЫМ

Эсмеральда –     Әйгерім БЕКЕТАЕВА, Қазақстанның еңбек сіңірген қайраткері

 

Квазимодо –       Бақтияр АДАМЖАН, Қазақстанның еңбек сіңірген қайраткері

 

Фролло –            Арман УРАЗОВ

 

Феб –                  Олжас ТАРЛАНОВ

 

* * *

 

3 / 5 МАУСЫМ

Эсмеральда –     Шұғыла ӘДЕПХАН (алғашқы өнер көрсетуі)

 

Квазимодо –       Серік НАҚЫСПЕКОВ (алғашқы өнер көрсетуі)

 

Фролло –            Айбар ТОҚТАР (алғашқы өнер көрсетуі)

 

Феб –                  Еркін РАХМАТУЛЛАЕВ, Қазақстанның еңбек сіңірген қайраткері

 

 

 

«АСТАНА ОПЕРА» ТЕАТРЫНЫҢ ОРКЕСТРІ, БАЛЕТ ӘРТІСТЕРІ,

ХОРЫ ЖӘНЕ МИМАНСЫ

 

 

Дирекция өзіне орындаушыларды ауыстыру құқығын қалдырады