Орталық Азияның креативті индустриялар форумы 2023
Алматыда Орталық Азияның Креативті индустриялары форумы өтеді
24-26 қараша аралығында Алматыда Орталық Азияның Креативті индустрияларының жыл сайынғы форумы өтеді.
ССА-2023 диалог алаңы Ресей, Қырғызстан, Өзбекстан, Тәжікстан және Оңтүстік Кореядан 100 – ден астам сарапшы-спикер мен сала өкілдерін біріктіреді. Форумға қатысушылар Орталық Азия өңіріндегі креативті индустрияларды дамытудың негізгі үрдістері мен перспективалық жолдарын талқылайды.
Талқылаудың негізгі бағыттары кино, музыка, білім беру, fashion-индустрия және IT-сектор салалары болмақ. Форум аясында келесі тақырыптар бойынша бірқатар панельдік сессиялар өтеді: «Креативті индустриялар жастарға арналған әлеуметтік лифт ретінде», «Жайлы қалалық орта және креативті ландшафтты дамыту», «Әйелдер креативті кәсіпкерлігі», «Қазіргі әлемдегі аудиконтент» және т. б.
Форум күндері көптеген тақырыптық дәрістер, шеберлік сабақтары, public talk, қолданбалы өнер жәрмеңкесі өтеді. Lumiere hall мультимедиялық мұражайының танымал Алматы кураторларының қолдауымен және қатысуымен қазақстандық және халықаралық цифрлық суретшілердің инновациялық және эксперименттік жұмыстарын таныстыратын көрме-инсталляция өтеді. Көрмеде AI-ART, Digital Fashion, Media Art бағыттарындағы авторлардың жұмыстары ұсынылады.
Іс-шара барысында БҰҰДБ-ның жастар және креативті индустриялардың шағын орта бизнес өкілдерімен сараптамалық талқылауы өтеді. Форумның маңызды оқиғасы қазақстандық дизайнердің fashion musical «Luna Sezim» болады.
ССА-2023 форумының негізгі мақсаты-креативті индустриялар саласын дамыту, Қазақстан өңірлерін Алматы қаласы мен Орталық Азияның табысты кейстері бойынша саланы масштабтауға тарту.
Өткізу орны:
Алматы қ., Абай даңғылы, 90
