Жүз жылдық махаббат

Автор: Д. Исабеков

Режиссёр: А. Кәкішева

Режиссердің көмекшісі: Б. Қажынәбиева

Суретші: М. Сапаров

Қоюшы суретші: М. Сапаров

Киім  үлгісінің суретшісі: Б. Әбдіманапова

Композитор: Ш. Базарқұлова

Биін қойған: Г. Мұхамеджанова

Режиссердің көмекшісі: С. Гениярова

Жанр: драма

Жас санаты: 7+

М. Әуезов атындағы драма театрының мәдениет сарайы сахнасындағы гастрольдері

Заманынан озып туып, соңына  өшпес рухани мол мұра қалдырған, көрнекті ақын, Алаш ардагері  Мағжан Жұмабаев тағдырының ақтаңдақты тұстары аз емес. Халық жауы науқанымен екі рет ұсталып, қырық төрт жыл ғұмырының он жылын қапаста, түрмеде өткізген ақынның қасіретті тағдыры спектакльде аяулы жары Зылиханың  естелігі арқылы беріледі.

Еркін рухты, құдыретті жырлар жазған «нағыз ұлттың, әлеуметтің, халықтың сөзін сөйлеген»  (М. Әуезов)  Мағжан ақын… Қиын-қыстау уақытқа, небір кедергілерге  қарамай ерінің  соңынан іздеп сан рет барған; өмір бойы Мағжан рухын ардақтап, өзінің соңғы демі біткенше ұлы ақын жырларының кейінгі ұрпаққа жетуіне бар  күш-жігерін салған Зылиха… Олардың ұлы махаббаты – кейінгі сан ұрпаққа өнеге.

​Рольдер мен орындаушылар:

Мағжан Жұмабаев – А. Чаяхметов, «Серпер» Жастар Одағы сыйлығының лауреаты, М. Мұхтарұлы

Зылиха Жұмабаева – Д. Жүсіп, ҚР еңбек сіңірген қайраткері

Мадина - Л. Қалдыбекова, С. Бақаева

Валерий Брюсов – Ж. Байсалбеков

Надзиратель – Қ. Набиолла, Е. Адырбеков

Кәжен – Т. Сағынтаев, А. Жұмабаев

Гүлсім – А. Бөкенбай, Б. Жақыпбекова

*Спектакльдер орыс тіліне ілеспе аудармамен жүреді