Гүлдер вальсі

2022 / 2023           Күләш Байсейітова атындағы Камералық зал         Х маусым

14 мамыр * жексенбі * 14.00

 

Концерт

«Гүлдер вальсі»

 

Ұзақтығы: 1 сағат 10 минут

Жас шектеуі 5+ екеніне назар аударуларыңызды сұраймыз.

Дирекция орындаушылар мен орындалатын туындыларды ауыстыру құқығын өзіне қалдырады

 

         «Астана Опера» театры балет студиясының тәрбиеленушілері көрермендерге «Гүлдер вальсі» есептік концертін ұсынады.

Балалар студиясы 2013 жылы құрылған. Онда хор және хореография бөлімінде өнерге ғашық, сахналық қабілеттері жоғары және музыкаға икемі бар балалар оқиды. Театрдың балет студиясының тәрбиеленушілері классикалық би негіздерін үйренеді, өздерінің әртістік дарындарын ашады және музыкалық өнердің үздік туындыларымен танысады.

Балалар балет студиясының жетекшісі – қазақстандық балет әртістерінің тұтас бір тобын тәрбиелеген тамаша хореограф әрі ұстаз – Қазақстанның еңбек сіңірген қайраткері Ғалия Бөрібаева.

Жас бишілер сахнаға театр суретшілері мен тігін шеберлері концертке арнайы жасаған әдемі балет белдемшелерімен шығады.

Олар П.Чайковский, Л.Минкус, А.Адан және тағы басқа композиторлардың музыкасындағы классикалық балеттердің хореографиялық нөмірлерін орындайды.

 

 

ОРЫНДАУШЫЛАР:

«Астана Опера» театры балет студиясының тәрбиеленушілері.

Концерт режиссері – Ғалия БӨРІБАЕВА, Қазақстанның еңбек сіңірген қайраткері

Тәлімгер ұстаз – Бостан ҚОЖАБЕКОВ

Балет студиясының жетекшісі – Ғалия БӨРІБАЕВА, Қазақстанның еңбек сіңірген қайраткері

 

«Астана Опера» МОБТ-дан сатып алынған билеттерді спектакльдер болмайтын немесе күні ауыстырылған жағдайда ғана ауыстыруға немесе қайтаруға болады. Барлық басқа жағдайларда қайтару және ауыстыру жүргізілмейді.