Naiza 68 Турниры Қарағанды қаласында

NAIZA алғаш рет Қарағандыда! NAIZA 68 турнирі Қазақстанның шахтерлік астанасында өтеді.

Кештің басты жекпе-жегінде NAIZA & Fight Nights біріккен белбеуінің иегері Фаниль “Ноғай” Рафиков (23-6, 6 KO/TKO, 8 SUB) ресейлік ММА жұлдызы Мохаммед “Парсылық дағыстандық”Хейбатимен (5-4, 1 KO/TKO, 1 SUB) айқасады. Фаниль жанкүйерлеріне «парсы кілемін қағамын» деп уәде берсе, Мохаммед оған жауап ретінде “Ноғайды” депортациялайтынын мәлімдеді.

Кештің ко-мейн ивентінде жанкүйерлер жарты жыл бойы күткен айқас өтеді. Тамирлан Саралапов (4-0, 2 KO/TKO, 2 SUB) Елжан Гасановқа (5-1, 5 KO/TKO) қарсы шығады. Екі азулы жауынгердің жекпе-жегі сәуір айында, NAIZA 59 турнирінде өтуі керек болатын. Алайда Елжан жарақатына байланысты жекпе-жектен бас тартуға мәжбүр болды. Енді екі файтер әдемі айқас көрсетіп, жеңіл салмақтағы келесі үміткерді анықтауға дайын.

Сондай-ақ, «Қарағанды Аренада» Бекжан Әбілқасым, Абылайхан Шаратов, Мансұр Шахгереев, Бежан Ходжалиев, Қайрат Жәрекеев секілді проспектілер, NAIZA CAMP REALITY жұлдыздары Хумоюн Тухтамурадов, Еркебұлан Сейсенбаев, Глеб Жагрин, Беслан Мизов, Хазрат Шарипов және басқа да жауынгерлер өнер көрсетеді.