«Классика шоқжұлдызы»

камералық музыка кеші

«Классика шоқжұлдызы» концертінде «Астана Опера» театры оркестрінің солистері – халықаралық байқаулардың лауреаттары Әнел Шәкірова (скрипка), Ажар Қадырова (виолончель) және пианист Анара Камельинованың орындауында Р.Шуман, И.Брамс және С.Прокофьевтің камералық туындылары шырқалады.

Концерт бағдарламасына көп жылдар бойы достық қарым-қатынас байланыстырған қос ұлы романтик – Роберт Шуман мен Иоганнес Брамстың шығармалары енді.

Роберт Шуманның Скрипкаға арналған №1 сонатасы, ор. 105, шағындығымен, камералығымен әрі айрықша көркемділігімен өзгешеленеді.