Қала күніне орайластырылған Алматы циркінің шапитосы

15-25 қыркүйек аралығында Алматы цирк күмбезінде Тұңғыш Президент саябағында Алматы қаласы күніне арналған мерекелік цирк шоуы өтпек.

15 қыркүйек күні сағат 12:00 және 15:00, ал қалған күндері 16-25 қыркүйек аралығында сағат 15:00 басталады.

Көрермендерге Алматы циркінің әртістері цирк өнерінің беделді халықаралық фестивалінің жеңімпаздары өз шеберліктерін көрсетеді.

«Бұл біздің сүйікті қаламыз Алматыдағы Цирк-Шапитоның тұсаукесері. Алматы циркінің жұлдыздары көрермендерге керемет көңіл-күй сыйлайды. Оңтүстік астананың барлық тұрғындары мен қонақтарын қуана шақырамыз», - дейді Қазақ мемлекеттік циркінің директоры Мақсат Жайықов.

19 қыркүйекте Алматы циркінің левадасында иппотерапия қайырымдылық акциясы ұйымдастырылады, оған Алматы қаласының әлеуметтік қызмет көрсету орталықтарынан мүмкіндігі шектеулі балалар шақырылады.

«Жылқыларды емдеу мақсатында пайдалану ежелден басталған. Ата-бабаларымыз түрлі ауруларға шалдыққан адамдардың көңіл-күйін көтеру және денсаулығын жақсарту үшін ат үстінде серуен өткізді. Мүмкіндігі шектеулі балаларға арналған иппотерапияның қайырымдылық сеанстарын ұйымдастыру жылына бірнеше рет біздің цирктің игі дәстүріне айналды», - деді Қазақ мемлекеттік циркі директорының шығармашылық мәселелер жөніндегі орынбасары Нұрлан Алтаев.