«Салттық билер» Astana Ballet театрында. Тұсаукесер!

«Салттық билер» тұсаукесері «Астана Балет» театрының төрінде ұсынылмақ!

Режиссер-хореограф Мукарам Авахри мен «Астана Балет» театрының солистері заманның рухани байланысына ден салады. Мың бұралған би өнері арқылы көрермен өзін-өзі тану үдерісіне беріліп, автордың біздің кім екеніміз және бұл дүниеге не үшін келгеніміз деген маңызды сұрақтарға жауап іздеу туралы жеткізгісі келген ойы ашылады. Дарынды әртістерінің керемет музыкалық ырғақтары, мәнерлі костюмдері мен шеберлігі көрермендердің қасиетті би әлеміне терең бойлауға мүмкіндік сыйлайды.

Игорь Стравинский музыкасына жазылған «Свадебка», үйлену той мерекесі жай ғана мереке емес, терең мағыналы салт-жораға айналған сәтте жас жұбайлардың іштен тынған ойлары мен сезімдеріне зер салады. Биыл Стравинскийдің «Свадебка» балетіне 101 жыл толып, театрымыз ұлы шебердің туындысындағы ойлар мен ашық әңгімелердің алтын сандығын тағы бір мәрте ашпақпыз.

«QASH» - мәдениеттің ешбір шектеулерге бағынбаушылығы, оның дербестігі мен өзгермелілігі туралы ой-толғау. Халықтардың тарихы бір жазылып, сол қалпында қала береді деп санау қате түсінік, себебі бұл ұғым - әрбір мезетінде ерекше мағынаға толы шексіз импровизация. Екінші бөлімде Chemirani тобының «Le Retour de Molla Nasr’din» композициясы және Муштари Исламованың вокалдық орындауы ұсынылмақ.

Абылай Әбілқасымұлы музыкасына жазылған «Рух» туындысы көрермендерге ежелгі әлем бейнесін ашып, байырғы ата-бабамыз скифтердің рухын, олардың күн, жел және көк аспанмен терең байланысын сезіндіріп, бойларыңызды күш-қуатқа толыстырмақ.