«QOBYZ SOUL»: СОЛЬНЫЙ КОНЦЕРТ МАҚСАТ МЕДЕУБЕК

«QOBYZ SOUL» жан дүниеңізге саяхат, көне мен заманауи үндердің үйлесімді симбиозы.

Қазақконцерттің солисі, шебер қобызшы Мақсат Медеубек сіздерді көне аспаптың тылсым үні мен терең сырға толы әлеміне шақырады.

Қобыздың сиқырлы үні сіздің жүрегіңізге ем, жаныңызға тыныштық сыйлайды, уақыт пен әлемнің қарбаласын ұмыттырып, ішкі үйлесімге бөлейді.

Концертке қатысушылар:

• Халықаралық және республикалық конкурстардың лауреаттары Әділет Салықбай, Толқынхан Самғар және Ержігіт Алиев
• Мәдениет саласының үздігі, күйші Бауыржан Бекмұханбет
• «Гульдер» ансамблінің әртісі Ақерке Батырбек
• «Тұран» этно-фольклорлық ансамблі
• Қазақ мемлекеттік симфониялық оркестрінің ішекті аспаптар квартеті

Қобыздың үні табиғаттың жұмбақ сыры мен бабалар рухының үні тәрізді, жүрегіңізге жақын әрі тылсым дүние іспеттес.

Бұл тек мәдени оқиға ғана емес, жан әлеміңізге шуақ пен қуат сыйлайтын рухани кеш. Қобыз үнінің құдіретіне куә болыңыз!