Ludovico Einaudi 2.0 Қызылорда қаласында

Tynda.Music сізге камералық ансамбльдің орындауындағы Ұлы кинокомпозитор Людовико Эйнаудидің жаңа және бірегей музыкалық бағдарламасын ұсынады.

Қазақстанда тұңғыш рет ұлы итальяндық композитордың ең танымал туындылары мүлдем жаңа кейпінде орындалатын болмақ.

Людовико Эйнауди - қазіргі заман композиторлары арасындағы ең таңдаулыларының бірі, музыкадағы неоклассика бағытының белгілі тұлғасы, «1+1» атты үздік француз фильміндегі музыкалық сүйемелдеудің авторы. Эйнаудидің музыкасы бүкіл жер шарындағы сан алуан адамдарды өзара байланыстырады. Композитордың туындылары әлем классикасының тарихына әлдеқашан енген.

Tynda.Music туралы:

Tynda Music - жанды музыка арқылы адамдарды шабыттандыратын және мәдени тұрғыдан тәрбиелейтін музыкалық жоба. Жобаның басты идеясы - әлемдік деңгейдегі жоғары музыканы және музыканттарды қазақстандықтар үшін қолжетімді әрі жақын ету.