Симфониялық музыка концерті Павлодар қаласында

Симфониялық оркестр жаңа маусымын ашады

Құрметті Павлодар қаласының тұрғындары мен қаламыздың қонақтары!

Иса Байзақов атындағы Павлодар облыстық филармониясы сіздерді жаңа филармониялық маусымға ресми бастау беретін симфониялық оркестрдің концертіне қуана шақырады

Павлодар облыстық филармониясында жаңа, жарқын, аса қызықты жобалар мен сүйікті көрермендермен көптен күткен кездесулер басталмақ.

Павлодарлықтар мен қала қонақтары алдында ҚР еңбек сіңірген мәдениет қайраткері, ұжымның негізін қалаушы, атақты маэстро Болат Рахымжановтың жетекшілігімен симфониялық оркестр өнер көрсетеді.

Бұл жолы концерт бағдарламасына кеңес дәуірінің көрнекті композиторларының шығармалары енгізілді: Д.Шостакович, Симфония N1; А.Хачатурян, М.Ю.Лермонтовтың «Маскарад» драмасына вальс; А.Хачатурян, Адажио Спартак және «Спартак» балетінен Фригия.