Бас

Драманың негізгі оқиғасы – халқының азаттығы үшін бас көтерген қазақтың әйгілі ақыны Махамбеттің бас сүйегінің тағдыры жайында өрбиді. Ұзақ жылдар бойы ақынның бас сүйегіне зерттеме жасаған антропотолог, басқа елге көшуіне байланысты, «қажеті жоқ» деп санаған бас сүйекті бастыққа әкеліп, тапсыртқысы келеді. Сондықтан, ғалымның қолынан жас буын өкілі алып қалып, аманат етіп сақтайды. Рухани құндылықты аяққа таптап "қалта құндылығы" алға түскен қоғам өкілі, ақынның басынан қарадай шошып, өзінен алыстатып тастайды. «Құн» сөзін құнсыздандырып – «төлем ақыға» айналдырған бүгінгі қоғам басындағы «кейбір басшылар», кешегі ұлт үшін ары мен қанын садақа қылған аталарымыз қалдырған аманатқа адал ма? Міне, қойылым осы төңіректе ой қозғайды.

Рольдерде:
Дәурен - Нүркен Орынбек
Ықылас Төлеевич - Садық Жақыпов
Қашқария - Ақжарқын Нұртазина
Айым - Ақерке Дәуренбекова
Баймағамбет Айшуакович - Еркінбек Шымырқұлов ҚР Мәдениет қайраткері
Қайыпқали Есімов - Ұлықбек Артықбаев
Қарауылқожа - Сағи Алмұратов
Исатай - Ерлан Дүйсебаев
Махамбет - Ерсін Аманғалиев