«Жизель» балеті Қостанай қаласында
«Жизель» спектаклі XIX ғасырдың романтикалық балетінің символына айналып, жылдар өткен сайын өз әсемдігін еш жоғалтпайды. Жас Жизель сүйіктісінің сатқындығын білгеннен кейін, қайғыны көтере алмай есінен танып, ажал құшады. Осылайша ол үйлену тойына дейін қайтыс болған келіншектердің бірі болады. Түн ортасында вилистер адамдар әлеміне келеді де, кешкі уақытта олардың қолына түскен кез келген ер адам олардың құрбаны болады, елестер оларды өле-өлгенше билеуге мәжбүрлейді.
Бұл тіпті ажал уақытынан кейін де кешіре білетін және сүйіктісін қорғай алатын жас қыздың махаббаты туралы әсерлі де әдемі оқиға; Аданның керемет нәзік және қайғылы музыкасы, фантастикалық кордебалеттік көріністер, жеңіл және жарқын костюмдер әрбір көрерменді таңғалдырып, естерінде мәңгі қалатыны сөзсіз.
«Классикалық орыс балеті» - мәскеулік классикалық би труппасы. Белсенді шығармашылық өмірінде компания өзін Ресейдегі балет мектептерінің үздік өкілдері, дарынды болашағы бар жастар мен еңбек сіңірген би шеберлері кірген кәсіби дамушы ұжым ретінде танытты. Бүгінгі таңда балет труппасының негізін Мәскеу хореография академиясының, А.Я. Ваганова атындағы Орыс балет академиясының (Санкт-Петербург) және Ресейдің басқа да танымал балет мектептерінің түлектері құрайды. Классикалық орыс балетінің ұжымын қалыптастыруға оның көркем жетекшісі, театрдың солисі Хасан Усманов қатысқан болатын.
