ҚИЫР ШЫҒЫСТЫҢ ДЫБЫСТАРЫ

14 қараша күні Е. Рахмадиев атындағы мемлекеттік академиялық филармония Қ. Жұмакенов атындағы үрмелі оркестрдің заманауи жапон музыкасына арналған концертін ұсынады. Концерт 19:00-де басталады.

Концерт бағдарламасында Қ. Жұмакенов атындағы үрлемелі оркестрі жапон композиторы Сатоши Ягисаваның оркестрлік шығармаларын, Хаяо Миядзакидің әйгілі анимелеріне жазылған Дзё Хисаиси музыкасын, сондай-ақ «Жасырынған айдаһар, тығылған жолбарыс» фильмінен музыкалық шығармаларды орындайды.

Үрлемелі оркестрдің сүйемелдеуімен «Менің көршім Тоторо», «Жүретін қамал», «Кикидің жеткізу қызметі», «Принцесса Мононоке», «Лапута: Аспан қамалы» және басқа да танымал аниме үзінділері орындалып, тыңдармандарды фантастикалық әлемге терең бойлатады.

Кештің дирижері және солисі Ресейден шақырылған дирижер Кирилл Ильин, Ульянов мемлекеттік «Держава» үрлемелі оркестрінің көркемдік жетекшісі және бас дирижері, кларнеттен жеке орындаушы, Ресейлік және халықаралық байқаулардың лауреаты.

Қ. Жұмакенов атындағы үрмелі оркестрдің көркемдік жетекшісі Никита Почиталин.

Бас дирижер Дархан Рахымғалиев.