Ethno Fashion Ballet. Astana Ballet гастрольдері Almaty Theatre-да

Ethno Fashion Ballet - «Астана Балет» театрының әртістері мен HasSak этно-фольклорлық тобы қатысатын әсерлі қойылым. Концерт ұлттық киімге, оның тарихына, дамуына және терең мағынасына арналған.

Көрермендер қойылымдардың үзінділерін тамашалап қоймай, Hassak этно-фольклорлық тобының музыкалық шығармаларына тәнті болып, «Астана Балет» театрының костюмдер бойынша суретшілері Мүслім Жұмағалиев, Әсел Шалабаева, дизайнер Аида Кауменова ұлттық киімнің тарихы мен ұлттық тақырыптағы сахналық костюмдердің жасалуы туралы ақпаратты тыңдап, «Астана Балет» спектакльдерінің либретто авторы әрі ақын Бақыт Қайырбековпен танысатын болады.

Кеште ұлттық хореографияның тамаша киім үлгілері, сондай-ақ «Астана Балет» әртістерінің шағын өнер көрсетулері ұсынылады.