Шие бағы

Әлемге әйгілі шығарма, Чеховтың «Шие бағы» орыс классикасы Рачи Махатаевтың қойылымында М.Горький атындағы орыс драма театрының сахнасында көрсетілмек.

Париждегі барлық байлығын ысырап еткен Любовь Раневская өзінің басты құндылығы - шие бағына оралады. Мүлік бұзылып, қарыздарды жабу үшін аукционға шығарылды. Отбасының бұрынғы аулашысы, қазір миллиондаған сома иегері, көпес Ермолай Лопахин, Раневскаяға ғашық болып, иелікті сақтап қалу үшін бақты саяжайшыларға бөлшектеп сатуды ұсынады.Алайда Раневская үшін үйі мен шие бағынан айырылу балалық шағы мен құнды естеліктерден арылуымен тең. Аукционға дейінгі уақытты басты кейіпкеріміз жанұясымен, ағасымен, достарымен бірге өткізіп, иелікті сақтап қалу амалдарын ойластырып, өткен күндерге деген сағынышпен еске алады.

Иелік сатылды. Сатып алған адам Лопахиннің өзі болып шықты. із қызығы, кезінде оның әкесін табалдырықтың ар жағынан аттатқызбай ұстайтын еді. Осылайша жаңа қожайынның алғаш үкімі бүкіл шие бағын тамыр-түбімен қосып бұзып тастау болды.

Пьесада дворян мәдениетінің құлдырауы, крепостнойлық құқықтың күшін жою салдары, «жаңа адамдардың» прогрессивті ой-санасының басып кіруі мәселелері ашылады. Алайда тарихи қақтығыс адам баласының ішітарлығы мәселесі мен өмірдің күлкіге тұрарлығына ұласады. Сондықтан режиссер Чеховтың «Шие бағының» жанрлық анықтамасын комедия ретінде сақтайды: кейіпкерлер өздерінің ұсақ пайдасыз әрекеттері мен бос әңгімелерінде күлкілі келеді. Сонымен бірге, мүлікке қатысы бар жалғыз адам, Фирс кәрі лакей, жабық үйде қалады, бәрі де ұмытылып, жалғыз қалады.