ХХ ғасырдың симфониялық классикасы

«ХХ ғасырдың симфониялық классикасы»

Екінші концерт

КОНЦЕРТ ҚАЗАҚ ЖӘНЕ ОРЫС ТІЛДЕРІНДЕ ӨТЕДІ

ХХ ғасырдың классик композиторлары Тілес Қажығалиев, Сергей Прокофьев және Джордж Гершвиннің туындыларынан тұратын концертті Қазақстанның еңбек сіңірген қайраткері Айдар Әбжахановтың жетекшілігімен «Астана Опера» симфониялық оркестрі ұсынады.

Кеш бағдарламасына қазақ күйінің қуатына, музыкалық неоклассиканың гротескіне, америкалық джаз блюзының ырғақтарына толы жарқын симфониялық композициялар енді.

Концертте керемет музыкант әрі ұстаз Қазақстанның еңбек сіңірген әртісі профессор Алтай Құсайынов солист ретінде өнерін паш етпек. Оның пианистік шеберлігі үш орындаушылық мектептің Құрманғазы атындағы Алматы консерваториясы (1979), П.И.Чайковский атындағы Мәскеу мемлекеттік консерваториясы (1982) және Глазгодағы Шотландия Корольдік музыка және драма академиясының (1994) ықпалын тоғыстырған.

Қазақстанның еңбек сіңірген қайраткері Айдар Әбжаханов Н.Римский-Корсаков атындағы Санкт-Петербор консерваториясының түлегі (белгілі кеңес дирижері әрі педагог Илья Мусиннің класы) Ресей, Австрия және Италияда дирижерлік өнер майталмандарының жетекшілігімен өз шеберлігін шыңдады.

А.Әбжахановтың шығармашылық қоржынында әлемдік балет репертуарының көптеген қойылымы бар.

Орындаушылардың тамаша құрамы мен «Астана Опера» симфониялық оркестрі әртістерінің кәсіби шеберлігі симфониялық классика сүйер қауымды бейжай қалдырмайтынына сеніміміз мол.

БАҒДАРЛАМА:

Т.Қажығалиев. «Қыз қуу» симфониялық күйі

С.Прокофьев. «Ромео мен Джульета» балетінен сюита

Д.Гершвин. Оркестр мен фортепианоға арналған блюз стиліндегі рапсодия

ОРЫНДАУШЫЛАР:

Солист Алтай Құсайынов,

Қазақстанның еңбек сіңірген әртісі (фортепиано)

«Астана Опера» симфониялық оркестрі

Дирижер Айдар ӘБЖАХАНОВ,

Қазақстанның еңбек сіңірген қайраткері