СИҚЫРЛЫ САЗДЫ ХОР-КОНЦЕРТ

Жылдың ең сиқырлы мерекесі жаңа жылдың қарсаңында «ASTANA MUSICAL» мемлекеттік театры көрермендерге мерекелік және ғажайып атмосфераға толы ұмытылмас кеш сыйлайды.

«Сиқырлы сазды хор-концертте» театр әртістері танымал әрі көпшілік сүйіп тыңдайтын әндерді вокалдық шеберліктерімен түрлендіріп, туындылардың бояуын аша түсіп, елорда жұртшылығына өзгеше форматтағы театрландырылған қойылым ұсынады. Хор-концерт - белгілі заманауи әндердің театрландырылған қойылыммен ұштасқан, би жанрын да қамтыған ауқымды концерттік бағдарлама.

«ASTANA MUSICAL» мемлекеттік театрының әртістері «Керім-ау айдай» және «Екі жирен» халық әндерін, Кенен Әзербаевтың «Көкшолағын», «Жаңбырлы түн», «Әнім сен едің», «Джулия» ретро-композицияларын, әйгілі шетелдік «Вohemian rhapsody» «Yesterday» «Billie Jean» туындаларын, балаларға арнап «20th Century Fox»,«Baby Shark» және тағы басқа әндерді орындайды. Сондай-ақ ду-воп стилінде жазылған «The Five Satins» тобының «In the Still of the Night» әнін ерекше орындауда сыйға тартпақ. Қойылым көпшіліктің көңілінен шығып, бей-жай қалдырмайды деген сенімдеміз.

«ASTANA MUSICAL» мемлекеттік театрының көркемдік жетекшісі - Есләм Нұртазин. Бас хормейстері - Алмат Абишев, хорға өңдеген Жанболат Адилов.