ҚАЗАҚ МЕМЛЕКЕТТІК СИМФОНИЯЛЫҚ ОРКЕСТРІНІҢ ЖАҢА ЖЫЛДЫҚ КОНЦЕРТІ

Сіздерді Қазақ мемлекеттік симфониялық оркестрінің жаңа жылдық концертіне шақырамыз! Еліміздің жетекші оркестрлерінің бірі таңғажайып классикалық музыка, хордың шебер орындауы, дәстүр мен батыл музыкалық шешімдерді біріктірген бірегей бағдарлама ұсынады.

Концертке қатысушылар:

- Қазақ ұлттық өнер университетінің «Жастар» хоры

Дирижер: Батыржан Смаков

Хормейстер: Айдана Сатыбалды

- Қазақконцерттің солисі, халықаралық байқаулардың лауреаты Марат Айтымбай

- Германияның Бремен қаласында өткен XIV Еуропалық пианистер байқауының жеңімпазы, Елизавета патшайымының атындағы (Брюссель), Геза Анда атындағы (Цюрих), А.Н. Скрябин атындағы халықаралық конкурстардың лауреаты, көрнекті пианист Станислав Хегай

Концерттік бағдарламада:

Боб Чилкотт «Little Jazz Mass»

Джордж Гершвин «Блюз стиліндегі рапсодия»

Джордж Гершвин «Париждегі американдық»

Джаз және блюз элементтері үйлесімді ұштасқан классикалық музыка кеші көрерменге жаңа жылдық ғажайып атмосфера сыйлайды.

Концертте Т.Әбдірашев атындағы ҚР Мемлекеттік академиялық симфониялық оркестрінің көркемдік жетекшісі және бас дирижері Қанат Омаров дирижерлік етеді.

Өзіңізге және жақындарыңызға ерекше жаңа жылдық көңіл-күй сыйлаңыз! Симфониялық концерт өнер сүйер қауым үшін нағыз мерекелік сыйлық болмақ.