БИБІГҮЛ ТӨЛЕГЕНОВАНЫҢ 95 ЖЫЛДЫҚ МЕРЕЙТОЙЫНА АРНАЛҒАН КОНЦЕРТ

Қазақконцерт Қазақстанның халық әртісі, ұлы опера әншісі Бибігүл Төлегенованың 95 жылдық мерейтойына арналған ерекше концертке шақырады!

Бибігүл Төлегенова – қазақ мәдениетінің нағыз інжу-маржаны. Өзінің қайталанбас үнімен еліміздің ғана емес, әлем сахналарында да өзіндік із қалдырған ұлы өнер иесі. Оның дауысы ел өнерінің алтын қорында мәңгі сақталып, ұлт мақтанышына айналды.

Бұл кеште

Қазақстанның еңбек сіңірген қайраткерлері Ерлан Рысқали, Салтанат Ахметова, Клара Төленбаева, Азамат Жылтыргузов, Бибігүл Жанұзақ,  «Құрмет» орденінің иегері Айзада Капонова, Мәдениет саласының үздіктері Перизат Тұрарова, Айжан Жаркешова (құммен сурет), «Дарын» мемлекеттік жастар сыйлығының лауреаты Асқар Мұқият, халықаралық, республикалық конкурстардың лауреаттары Гүлнар Көшенова, Дария Бекпенбетова, Ибраһим Амин, «ГҮЛДЕР» би ансамблі  және ҚазҰӨУ хоры өнер көрсетеді.

Арнайы шақырылған қонақтар: Қазақстанның еңбек сіңірген қайраткерлері Толқын Забирова, Жұпар Ғабдуллина

Бибігүл Төлегенованың мерейтойына арналған концерт - тек ән кеші ғана емес, әнші шығармашылығының естеліктері мен әсерлі сәттеріне толы ерекше кеш. Әсем әуен мен жанды орындау, ерекше атмосфера сізді сұлу әрі сазды музыка әлеміне жетелейді.

Керемет кештен қапы қалмаңыздар!