БІЗГЕ 25!

2024 жылы Еркеғали Рахмадиев атындағы Мемлекеттік академиялық филармонияның симфониялық оркестрі құрылғанына 25 жыл мерейтойын атап өтеді. мерекелік күн аясында 19 сәуір күні Е. Рахмадиев атындағы Мемлекеттік академиялық филармонияның концерт залында (Кенесары көшесі, 32) «Бізге 25!» атты концерттік бағдарламасын ұсынады. Басталуы сағат 19:00.

Сіздерді Е. Рахмадиев атындағы Мемлекеттік академиялық филармонияның симфониялық оркестрімен бірге таңдаулы классикалық музыка кешіне шақырамыз. 1999 жылы құрылған ұжым Астананың жетекші кәсіби музыкалық ұжымдарының бірі. Оркестрдің көркемдік жетекшісі және негізін қалаушы – Қазақстанның еңбек сіңірген қайраткері Абзал Мұхитдин. Бас дирижер – «Дарын» мемлекеттік жастар сыйлығының лауреаты Қалқаман Дүйсембаев. Дирижер – «Құрмет» орденінің иегері Арман Жайым.

Филармонияның симфониялық оркестрі Қазақстан қалаларында концерттік және гастрольдік қызметті белсенді жүргізеді, сондай-ақ Италия, Германия, Франция, Греция, Египет және т.б. елдердегі халықаралық фестивальдарда сәтті өнер көрсетеді.

Осы жылдар ішінде оркестр отандық дирижерлер – Қанат Ахметов, Әкім Мұхатжанов, Ерлан Бақтыгерей, Берік Батырхан, Ернар Нұртазин, Абзал Мұхитдиновтің жетекшілігімен көптеген классикалық музыка концерттерін өткізді. Бірқатар жобалар көрнекті музыканттар – ұлы тенор Пласидо Доминго (Италия), Такаши Шимицу (Жапония), Глория Компанер (Италия), Ахмед Агади, Сергей Кравченко, Максим Федотов, Денис Мацуев (Ресей), Фредди Кемпф (Ұлыбритания), Франческо Калеро (Испания), Франсуа Чаплин и Давид Бисмут (Франция), Армен Бабаханян (Армения) қатысуымен жүзеге асырылды.

Оркестрмен Қазақстанның көрнекті музыканттары Бибігүл Төлегенова, Айман Мұсахаджаева, Жәния Әубәкірова, Нұржамал Үсенбаева, Майра Мұхамедқызы, Марат Бисенғалиев, Амир Тебенихин, Ержан Күлібаев ынтымақтастық етті.

Филармония симфониялық оркестрінің шеберлігін мойындау Саулюс Сондецкис (Латвия), Кшиштоф Пендерецкий (Польша), Владимир Ашкенази, Стефанос Циалес, Анастасиос Паппас (Греция), Филипп Юи (Франция), Кристиан Делисо (Италия), Беньямин Юсупов, Ваг Папян (Израиль), Габор Холлерунг (Венгрия), Юн Ки-Ён (Оңтүстік Корея), Маурицио Чампи (Италия), Хироаки Уэба (Жапония) сынды атақты шетелдік дирижерлардың дирижерлік етуімен дәлелденді.

Симфониялық оркестр өз шеберлігін үнемі жетілдіріп отырады және Қазақстанның музыкалық өнері мен орындаушылық дәстүрін лайықты көрсетеді.

Концертті заманауи қазақстандық композитор Арман Жайымның «Алпамыс» балетінен «Тайшық ханның қуаныш биі» туындысы ашады. Дирижер – автор.

Әрі қарай көрермендердің назарына Симфониялық оркестрдің орындауындағы музыкалық романтизмнің ең жарқын өкілдерінің жауһарлары ұсынылады. Мерейтойлық концерт бағдарламасында Иоганнес Брамстың №1 симфониясы және Сергей Рахманиновтің Оркестрмен фортепианоға арналған №2 концерті орындалады.

И. Брамстың № 1 симфониясы – классикалық музыканың керемет туындысы, премьерасынан бастап дүние жүзіндегі музыка әуесқойларын тамсандырған симфониялық репертуар жауһарларының бірі. Оны «Бетховеннің оныншы симфониясы» деп атайды. Ол оркестрдің шеберлігін көрсететін жақсы ойластырылған музыкалық құрылым. Түрлі-түсті әуендер мен үндестікке толы ұмытылмас музыкалық әсер қалдырады. № 1 симфония классикалық музыка өтпелі кезеңді бастан өткеріп жатқан тұста жарыққа шықты: Брамс өзінің ерекше музыкалық тілін қалыптастыра отырып, классикалық дәстүрлерді заманауи әсермен шебер үйлестірді.

С. Рахманиновтің Оркестрмен фортепианоға арналған № 2 концерті композитор шығармашылығындағы жаңа кезеңді ғана емес, классикалық музыканың да жаңа дәуірін бастады. Композитор 1900 жылы өзінің алғашқы симфониясын сәтсіз орындаудан туындаған ауыр психикалық дағдарыстан кейін фортепиано мен оркестрлік ой жауһарын жасады. Осы уақытта Рахманинов әйгілі мәскеулік психотерапевт Николай Далдың сессияларына қатысты, кейінірек өз шығармасын арнады. Драмалық қақтығыстарға қарамастан, концерттің музыкасында өмірге деген сүйіспеншілікті дәріптейтін ынталы және қуанышты әуендер бар.

С. Рахманиновтің № 2 концертінде фортепиано партиясын халықаралық байқаулардың лауреаты Зарина Акаева орындайды.

Е. Рахмадиев атындағы МАФ симфониялық оркестрімен бірге музыка сиқырын ашыңыз. Бұл кеш шабыт пен шынайы эмоцияға толы болмақ.