«Все меняет ноябрь» авторлық әндер мен кавер-композициялар концерті

«BIG BAND» аспаптық ансамблінің сүйемелдеуімен қаланың жетекші солистерінің концерті

Құрметті павлодарлықтар мен қаламыздың қонақтары!

Иса Байзақов атындағы Павлодар облыстық филармониясы сізді «BIG BAND» аспаптық ансамблінің сүйемелдеуімен өтетін «Все меняет ноябрь» атты авторлық әндер мен кавер-композициялардың тамаша концертіне қуана шақырады.

Бәрі қарашада өзгермек… Бірақ біздің күз мезгілінде оянатын романтикалық көңіл күйіміз ғана өзгеріссіз қалады. Тәуліктегі күн сағаттары қысқарып, ауада таяп келе жатқан қыстың ықғары сезілсе де, күз мезгілі сыйлайтын сезімдер мен эмоциялар толқынына берілу мүмкіндігі көз алдымызда пайда болмақ. Осындай сәттерде жайлы ортада достармен бас қосып, әсем әуеннен ләззат алуға деген ынтамыз арта түседі емес пе!

Иса Байзақов атындағы филармонияның жетекші вокалистері, республикалық және халықаралық байқаулардың лауреаттары Серік Рысбек, Жібек Айтбаева және Мадияр Бахтияров өз шығармашылығымен көрермендерді қуантуды мақсат етіп, павлодарлықтарды керемет күзгі концертке шақырады. Бұл кеште қазақстандық және ресейлік орындаушылардың репертуарындағы ең көркем авторлық шығармалар мен кавер-нұсқалар орындалмақ. Белгілі павлодарлық музыканттардан құралған аспаптық ұжымның өнер көрсетуі көрермендер үшін жағымды тосын сый болмақ.

Кештің бағдарламасына жиырмаға жуық лирикалық және заманауи би шығармалары енді. «BIG BAND» тобы үшін эстрада жұлдыздарының репертуарындағы әндердің көбін филармонияның әртісі, павлодарлық белгілі барабаншы Александр Андрющенко өңдеген.

Әртістер жеке және дуэт пен триода өнер көрсетеді. Көрермендер үшін павлодарлық авторлар Гаухар Сатыбаеваның, Сәуле Мұқаеваның, Оңғар Қабденнің сөзіне жазылған «Арманымдай», «Как без тебя мне жить», «Сүйемін» әндері, сондай-ақ Роза Рымбаеваның, «А-Студио», «Сливки», «Ninety One» топтарының репертуарындағы композициялардың кавер-нұсқалары және, әрине, ұмытылмас «Ноябрь» хиті паш етілмек.