ҚАЗАҚ МЕМЛЕКЕТТІК СИМФОНИЯЛЫҚ ОРКЕСТРІ

Роза Бағланова атындағы «Қазақконцерт» мемлекеттік академиялық концерттік ұйымының Қазақ мемлекеттік симфониялық оркестрі симфониялық музыка кешіне шақырады. Симфониялық музыка кешінде Жанас Бекмырза (пианино), Дюсембаев Даниал (пианино), Жұманғарина Тоғжан (пианино), Исақ Батырхан (виолончель) сынды халықаралық және республикалық байқаулардың лауреаттары, болашағынан зор үміт күттіретін музыканттар өнер көрсетіп, Қазақстан Республикасының Еңбек сіңірген қайраткері, ҚазҰӨУ профессоры, Қазақ мемлекеттік симфониялық оркестрінің бас дирижері Бақытжан Мұсақожаева дирижерлік етеді.

Концерт бағдарламасы:

1. Joseph Haydn-cello concerto No.1 in C major, Hob.VIIb:1
2. ⁠Wolfgang Amadeus Mozart-piano concerto No.20 in D minor, K466. 1 movement
3. ⁠Wolfgang Amadeus Mozart-piano concerto No. 23 in A major, K488
4. ⁠Sergei Rachmaninoff-piano Concerto No.2, Op.18. 1 movement
5. ⁠Pyotr Tchaikovsky-Melodie for violin and orchestra (from «Souvenire d’un Lieu Cher»), Op.42

Қазақ мемлекеттік симфониялық оркестрі Қазақстан Республикасының жетекші музыкалық ұжымдардың бірегейі. Оркестр 1991 жылы әлемге әйгілі скрипкашы, Қазақстан Республикасының Халық әртісі, Қазақстанның Еңбек Ері, профессор, оркестрдің көркемдік жетекшісі Айман Мұсахаджаеваның бастамасымен құрылды.

Оркестр құрамы асқан виртуоз шеберлер мен камералық музыкалаудың үздік әлемдік дәстүрлерін дамытып жүрген халықаралық байқаулардың лауреаттары, яғни жоғары кәсіби музыканттардан құралған. Дарынды 90 музыканттан тұратын оркестр әртүрлі дәуірлер мен стильдердің туындыларын және барокко, классикалық және заманауи музыка орындау өнерін жоғары дәрежеде меңгерген.